________________
પ્રતિજ્ઞા સાંભરી ને તેઓ તરત યાકિની સાધ્વી પાસે ગયા. ગાથાનો સંદર્ભ તથા અર્થ પૂછ્યા ને સાધ્વીજીને પોતાની પ્રતિજ્ઞાની વાત કરી શિષ્ય લેખે સ્વીકારવા પ્રાર્થના કરી. સાધ્વીજીએ તેમને ગુરુ આચાર્યશ્રી જિનભદ્રસૂરિ પાસે મોકલ્યાં. ત્યાં પદાર્થ સમજી, પ્રાકૃત સાહિત્ય - જૈન સાહિત્યનું પોતાનું અજ્ઞાન કબૂલી દીક્ષા લીધી, અને કાળાંતરે આચાર્ય હરિભદ્રસૂરિ તરીકે પ્રસિદ્ધ થયા. બૌદ્ધો સાથેના વાદમાં માર્યા ગયેલા પોતાના બે શિષ્યોની હત્યાનો બદલો લેવા ગયેલા આચાર્ય હરિભદ્રને ગુરુની હિતશિક્ષા મળતાં તેઓ પાછા ફર્યા અને તેના પ્રાયશ્ચિતરૂપે ૧૪૪૪ ગ્રંથોની રચના કરી, પોતાની પ્રત્યેક રચનામાં તેમણે પોતાનાં ધર્મદાતા સાધ્વી યાકિનીને ધર્મમાતા તરીકે ઉલ્લેખ્યાં છે. ગરીબ શ્રાવક લલ્લિગ. તે આચાર્ય શ્રીહરિભદ્રસૂરિની કરૂણા પામીને ધનાઢ્ય બન્યો. પછી તેણે લાખેણાં રત્નો ઉપાશ્રયમાં એ રીતે ગોઠવ્યાં કે જેના પ્રકાશમાં રાત-દહાડો
સૂરિજીનું ગ્રંથ સર્જન અખંડ ચાલતું રહે. ગરીબીમાંથી ઊંચા આવેલા લલ્લિગે સૂરિજીની પ્રેરણા પામીને, ગરીબ સાધર્મિકોના ઉદ્ધાર કાજે ઘણો ધનવ્યય કર્યો, અને સાથે સાથે સૂરિજીના ગ્રંથોનો પણ સર્વત્ર પ્રચાર કર્યો.
www.lainelibol.org
