Book Title: AradhanasaraSatika Author(s): Devsen Acharya, Ratnakirtidev Publisher: Manikchand Digambar Jain Granthamala Samiti View full book textPage 7
________________ आराधनासारः रेन्द्रकिंकरीभूतविषयकषायलंटाकभीतिनिराकरणाय समाश्रितसकलसिद्धांतरहस्यभूतनिश्चयव्यवहारभेदभिन्नचतुर्विधाराधनाग्रंथसंग्रथितपरमशब्दब्रह्मप्रयलेन अनेकांतमरुन्मार्गस्तयमानेन श्रेयोमार्गसंसिद्धिशिष्टाचारप्रपालननास्तिक्यपरिहारार्थनिर्विघ्नपरिसमाप्तिफलचतुष्टयाभिलाषुकेण परमसम्यक्त्वाद्यटप्रसिद्धविमलतरगुणसमृद्धानां सिद्धानां महावीरविशेषणयुक्तानां द्रव्यभावभेदभिन्नं द्विविधं नमस्कारं कुर्वाणन आराधनासारं वक्ष्येहमिति प्रतिज्ञां विरचयता च श्रीमत्परमभट्टारकश्रीदेवसेनाचार्येण स्तोत्रामदं विधीयते;-- विमलयरगुणसमिद्धं सिद्धं सुरसेणवंदियं सिरसा। णमिऊण महावीरं वोच्छं आराहणासारं ॥१॥ विमलतरगुणसमृद्धं सिद्धं सुरसेनवंदितं शिरसा । नत्वा महावीरं वक्ष्ये आराधनासारम् ॥ १ ॥ वक्ष्ये । कोसौ। अहं देवसेनाचार्यः । कं । आराहणासारं आराधनासारं मुमुक्षुभिराराध्यते या सा आराधना आराधनायाः सारः आराधनासारः तं आराधनासारं सम्यग्दर्शनादिचतुष्टयरूपेण सारीभूतं । किं कृत्वा । णमिऊण नत्वा नमस्कृत्य । कं। सिद्धं सिद्धं केवलज्ञानाद्यनंतगुणप्रादुर्भावलक्षणं परमात्मानं । किंविशिष्टं । विमलयरगुणसामद्धं निर्मलतरशुद्धचैतन्यगुणसंपूर्ण । पुनः किंविशिष्टं । सुरसेणवंदियं सुरसेनवंदितं सौधर्मेन्द्रप्रमुखचतुर्णिकायामरानीकनमस्कृतं । पुनरपि किंविशिष्टं । महावीर अन्येषामप्याराधकपुरुषाणां ध्यानरंणरंगभूमावनादिलग्नकर्माष्टकविपक्षचक्रविनाशनैकसुभटं । केन । सिरसा मस्तकेन । यदि च महावीरमिति विशेष्यपदपक्षं कक्षीकृत्य व्याख्यायते तदा । नत्वा । कं । महावीरं, ई इति चतुर्थस्वररूपमेकाक्षराभिधानं प्रसिद्धं लक्ष्मीनामा ' रा ला इति धातुद्वयं, आदाने ग्रहणे इत्यस्मिन्नर्थे वर्तते । विशिष्टां बाह्यचतुस्त्रिंशदतिशयप्रादुर्भूति Jain Education International For Private & Personal Use Only www.jainelibrary.orgPage Navigation
1 ... 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 ... 134
