Book Title: Agam Suttani Satikam Part 05 Bhagvati
Author(s): Dipratnasagar, Deepratnasagar
Publisher: Agam Shrut Prakashan
View full book text
________________
शतकं -८, वर्ग:-, उद्देशक:- ९
४३७
अथ कार्म्मणशरीरप्रयोगबन्धमधिकृत्याह
मू. (४२७) कम्मासरीरप्पयोगबंधे णं भंते ! कतिविहे पन्नत्ते ?, गोयमा ! अट्ठविहे पन्नत्ते तंजहा-नाणावरनिज्जकम्मासरीरप्पयोगबंधे जाव अंतराइयकम्मासरीरप्पयोगबंधे ।
नाणावरनिज्जकम्मासरीरप्पयोगबंधे णं भंते! कस्स कम्मस्स उदएणं ?, गोयमा ! नाणपडिणीययाए नाणनिण्हवणयाए नाणंतराएणं नाणप्पदोसेणं नाणच्चासादणाए नाणविसंवादणाजोगेणं नाणावरनिज्जकम्मासरीरप्पयोगनामाए कम्मस्स उदएणं नाणावर-निज्जकम्मासरीरप्पयोगबंधे दरिसणावरनिज्जकम्मासरीरप्पयोगबंधे णं भंते ! कस्स कम्मस्स उदएणं ?, गोयमा ! दंसणपडिणीययाए एवं जहा नाणावरनिज्जं नवरं दंसणनाम घेत्तव्वं जाव दंसणविसंवादणाजोगेणं दरिसणावरनिज्जकम्मासरीरप्पयोगनामाए कम्मस्स उदएणं जावप्पओगबंधे।
सायावेयनिज्जकम्मासरीरप्पयोगबंधे णं भंते! कस्स कम्मस्स उदएणं ?, गोयमा ! पाणाणुकंपयाए भूयाणुकंपयाए एवं जहा सत्तमसए दसमोद्देसए जाव अपरियावणयाए सायावेयनिञ्जकम्मासरीरप्पयोगनामाए कम्मस्स उदएणं सायावेयनिकम्मा जाव बंधे ।
अस्सायावेयनिज्जपुच्छा, गोयमा ! परदुक्खणयाए परसोयणयाए जहा सत्तमसए दसमोद्देसए जाव परियावणयाए अस्सायावेयनिज्जकम्मा जाव पयोगबंधे ।
मोहनिज्जकम्मासरीरप्पयोगपुच्छा, गोयमा ! तिव्वकोहयाए तिव्वमाणयाए तिव्वमायाए तिव्वलोभाए तिव्वदंसणमोहनिजयाए तिव्वचरित्तमोहनिज्जयाए मोहनिज्जकम्मासरीरजावपयोगबंधे।
नेरइयाउयकम्पासरीरप्पयोगबंधे णं भंते! पुच्छा, गोयमा ! महारंभयाए महापरिग्गहयाए कुणिमाहारेणं पंचिंदियवहेणं नेरइयाउयकम्मासरीरप्पयोगनामाए कम्मस्स उदएणं नेरइयाउयकम्मासरीर जाव पयोगबंधे ।
तिरिक्खजोनियाउयकम्मासरीरप्पओगपुच्छा, गोयमा ! माइल्लियाए नियडिल्लयाए अलियवयणेणं कूडलकूडमाणेणं तिरिक्खजोनियकम्मासरीरजावपयोगबंधे । मणुस्साउयकम्मासरीरपुच्छा, गोयमा ! पराइभद्दयाए पगइविणीययाए साणुक्कोसयाए अमच्छरियाए मणुस्साउयकम्मा जावपयोगबंधे ।
देवाउयकम्मासरीरपुच्छा, गोयमा ! सरागसंमेणं संजमासंजमेणं बालतवोकम्मेणं अकामनिज्जराए देवाउयकम्मासरीर जावपयोगबंधे ।
सुभनाकम्मासरीरपुच्छा, गोयमा ! कायउज्जुययाए भावुञ्ज्ययाए भासुज्जुययाए अविसंवादजोगेणं सुभनामकम्मासरी रजावप्पयोगबंधे ॥
असुभनामकम्मासरीरपुच्छा, गोयमा ! कायअणुज्जुययाए भवअणुज्जुययाए भासअणुजुययाए विसंवायणायोगेणं असुभनामकम्माजाव पयोगबंधे ।
उच्चागोयकम्मासरीरपुच्छा, गोयमा ! जातिअमदेणं कुल अमदेणं बल अमदेणं रूव अमदेणं तव अमदेणं सुयअमदेणं लाभअमदेणं इस्सरियअमदेणं उच्चागोयकम्मासरीरजाव पयोगबंधे, नीयागोयकम्मासरीरपुच्छा, गोयमा ! जातिमदेणं कुलमदेणं बलमदेणं जाव इस्सरियमदेणं नीयागोयकम्मासरीरजावपयोगबंधे ।
For Private & Personal Use Only
Jain Education International
www.jainelibrary.org
Page Navigation
1 ... 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504 505 506 507 508 509 510 511 512 513 514 515 516 517 518 519 520 521 522 523 524 525 526 527 528 529 530 531 532 533 534 535 536 537 538 539 540 541 542 543 544 545 546 547 548 549 550 551 552 553 554 555 556 557 558 559 560 561 562 563 564