Agam Suttani Satikam Part 05 Bhagvati

Author(s): Dipratnasagar, Deepratnasagar
Publisher: Agam Shrut Prakashan

Page 542

शतकं-१०, वर्गः-, उद्देशकः-५
५३९ पभूणं अजो! चमरे असुरिंदे असुरकुमारराया चमरचंचाए रायहाणीए सभासुहम्माए चमरंसि सीहासणंसि चउसट्ठीए सामाणियसाहस्सीहिं सामाणियसाहस्सीहिं तायत्तीसाए जाव अन्नेहिं च बहूहिं असुरकुमारेहिं देवेहि य देवीहि य सद्धिं संपरिवुडे महयाहय जाव भुंजमाणे विहरित्तए० केवलं परियारिड्डीए नो चेवणं मेहणवत्तियं ॥
मू. (४८९) चमरस्स णं भंते ! असुरिंदस्स असुरकुमाररन्नो सोमस्स महारनो कति अग्गमाहिसीओपन्नत्ताओ?, अज्जो! चत्तारिअग्गमहिसीओपन्नत्ताओ, तंजहाकणगाकणगलया चित्तगुत्ता वसुंधरा, तत्थ णं एगमेगाए देवीए एगमेगंसि देविसहस्सं परिवारो पन्नत्तो, पभू णं ताओ एगमेगाए देवीए अन्नं एगमेगं देवीसहस्सं परियारं विउवित्तए, एवामेव सपुव्वावरेणं चत्तारि देविसहस्सा, सेत्तं तुडिए । पभू णं भंते ! चमरस्स असुरिंदस्स असुरकुमाररन्नो सोमे महारायासोमाएरायहाणीएसभाएसुहम्माए सोमंसि सीहासणंसितुडिएणंअवसेसंजहाचमरस्स, नवरं परियारो जहा सूरियाभस्स, सेसंतं चेव, जाव नो चेवणं मेहुणवत्तियं ।
चमरस्स णं भंते ! जाव रन्नो जमस्स महारन्नो कति अग्गमहिसीओ?, एवं चेव नवरं जमाए रायहाणीए सेसं जहासोमस्स एवंवरुणस्सवि, नवरं वरुणाएरायणाहीए, एवं वेसमणस्सवि नवरं वेसमणाए रायहाणीए सेसंतंचेव जाव मेहुणवत्तियं ।
बलिस्स णं भंते ! वइरोयणिंदस्स पुच्छा, अज्जो ! पंच २ अग्गमिहीसीओ पन्नत्ताओ, तंजहा-सुभा निसुंभा रंभा निरंभा मदणा, तत्थ णं एगमेगाए देवीए अट्ठ सेसं जहा चमरस्स, नवरं बलिचंचाए रायहाणीए परियारो जहा मोउद्देसए, सेसंतंचेव, जाव मेहुणवत्तियं ।
बलिस्सणं भंते ! वइरोयणिंदस्स वइरोयणरन्नो सोमस्स महारनो कति अग्गमहिसीओ पन्नत्ताओ?, अजो! चत्तारिअग्गमसिहीओ पन्नत्ताओ, तंजहा-मीणगा सुभद्दा विजयाअसणी, तत्थ णं एगमेगाए देवीए सेसं जहा चमरसोमस्स, एवं जाव वेसमणस्स।
धरणस्स णं भंते! नागकुमारिंदस्स नागकुमाररन्नो कति अग्गमहिसीओ पन्नत्ताओ?, अजो छ अग्गमहिसीओ पन्नत्ताओ, तंजहा-इला सुक्का सदारा सोदामणी इंदा घणविज्जुया, तत्थ णं एगमेगाए देवीए छ छ देविसहस्सा परिवारो पन्नत्तो, पभू णं भंते ! ताओ एगमेगाए देवीए अन्नाइंछछ देविसहस्साइंपरियारं विउवित्तए एवामेव सपुव्वावरेणं छत्तीसं देविसहस्साइं, सेत्तं तुडिए । पभूणं भंते ! धरणे सेसं तं चेव, नवरं धरणाए रायहाणीए धरणंसि सीहासणंसि सओ परियाओ संसे तं चेव।
धरणस्सणंभंते! नागकुमारिदस्स कालवालस्सलोगपालस्समहारन्नो कतिअग्गमहिसीओ पन्नत्ताओ?, अजो! चत्तारिअग्गमहिसीओपन्नत्ताओ, तंजहा-असोगा विमलासुप्पभासुदंसणा, तत्थ णंएगमेगाए अवसेसंजहाचमरस्स लोगपालाणं, एवं सेसाणंतिण्हवि । भूयाणंदस्सणंभंते पुच्छा, अज्जो ! छ अग्गमहिस्सीओ पन्नत्ताओ, तंजहा-रूया रूयंसा सुरूया रुयगावती रुयकता रुयप्पभा, तत्थ णं एगमेगाए देवीए अवसेसं जहा धरणस्स, भूयानंदस्स णं भंते ! नागवित्तस्स पुच्छा अजो! चत्तारि अग्गमहिसीओ पन्नत्ताओ, तंजहा-सुणंदा सुभद्दा सुजाया सुमणा।
तत्थणंएगमेगाएदेवीए अवसेसंजहा चमरलोगपालाणं एवं सेसाणंतिण्हवि लोगपालाणं, जे दाहिणिल्लाणिंदा तेसिं जहा धरणिंदस्स, लोगपालाणंपि तेसिं जहा धरणस्स लोगपालाणं,