Agam Sudha Sindhu Part 07

Author(s): Jinendravijay Gani
Publisher: Harshpushpamrut Jain Granthmala

Page 490

श्रीनिरयावलिकासूत्रं : निरयावलिकावर्गः 1 ] [463 कूणियस्स रन्नो पञ्चप्पिणह वेहल्लं कुमारं च पेसेह 1 / तते णं से दूते कूणियस्स रन्नो तहेव जाव वद्धावित्ता एवं वयासि-एवं खलु सामी ! कूणिए राया विनवेइ-जाणि काणि त्ति जाव वेहल्लं कुमारं पेसेह 2 / तते णं से चेडए राया तं दूयं एवं वयासि-जह चेव णं देवाणुप्पिया ! कूणिए राया सेणियस्स रन्नो पुत्ते चिलणाए देवीए अत्तए जहा पढमं जाव वेहल्लं च कुमारं पेसेमि, तं दूतं सकारेति संमाणेति पडिविसज्जेति 3 // सू०४१ // तते णं से दूते जाव कूणियस्स रन्नो वद्धावित्ता एवं वयासि-चेडए राया श्राणवेति-जह चेव णं देवाणुप्पिया ! कणिए राया सेणियस्स रन्नो पुत्ते चिल्लणाए देवीए अत्तए जाव वेहल्लं कुमारं पेसेमि, तं न देति णं सामी ! चेडए राया सेयणगं गंधहत्थिं अट्ठारसवंकं च हारं, वेहल्लं कुमारं नो पेसेति // सू० 42 // तते णं से कूणिए राया तस्स दूयस्स अंतिए एयमट्ठ सोचा निसम्म श्रासुरुत्ते जाव मिसिमिसेमाणे तच्चं दूतं सदावेति 2 एवं वयासि-गच्छह णं तुमं देवाणुप्पिया ! वेसालीए नयरीए चेडगस्स रन्नो वामेणं पादेणं पायपीढं अकमाहि थकमित्ता कुंतग्गेणं लेहं पणावेहि 2 श्रासुरुत्ते जाव मिसिमिसेमाणे तिवलियं भिउडि निडाले साहटु चेडगं राय एवं वयासि-हं भो चेडगराया ! अपत्थियपत्थिया ! दुरंत जाव परिवजित्ता एस णं कूणिए राया प्राणवेइ-पञ्चप्पिणाहि णं कूणियस्स रनो सेयणगं अट्ठारसवंकं च हारं वेहल्लं च कुमारं पेसेहि, अहव जुद्धसज्जो चिट्ठाहि, एस णं कूणिए राया सबले सवाहणे सखंधावारे णं जुद्धसज्जे इह हव्यमागच्छति 1 / तते णं से दूते करतल तहेव जाव जेणेव चेडए राया तेणेव उवागच्छति 2 करतल जाव वद्धावित्ता एवं वयासि-एस णं सामी ! ममं विणयपडिवत्ती, इयाणिं कृणियस्स रन्नो श्राणत्ति चेडगस्स रनो वामेणं पारणं पादपीढं अक्कमति 2 श्रासुरुत्ते कुंतग्गेण लेहं पणावेति तं चेव सबलखंधावारे णं इह हव्वमागच्छति 2 / तते णं से