Book Title: Agam 05 Bhagwati 01 Gujarati Translation
Author(s): Dipratnasagar, Deepratnasagar
Publisher: Dipratnasagar, Deepratnasagar
View full book text
________________ આગમસૂત્ર 5, અંગસૂત્ર 5, “ભગવતીસૂત્ર ભાગ-૧ એક લાખ સુવર્ણમુદ્રાથી વાણંદને બોલાવી લાવો. ત્યારે તે કૌટુંબિક પુરુષોને જમાલિકુમારના પિતાએ આ પ્રમાણે કહેતા તેઓ હાર્ષિત, સંતુષ્ટ થયા. બે હાથ જોડી યાવત્ વચન સ્વીકારીને જલદીથી શ્રીગૃહથી ત્રણ લાખ સુવર્ણમુદ્રા લાવી કૃત્રિકાપણથી રજોહરણ અને પાત્ર મંગાવ્યા તથા વાણંદને બોલાવ્યો. ત્યારે તે વાણંદ, જમાલિના પિતાના કૌટુંબિક પુરુષોએ બોલાવતા હર્ષિત, સંતુષ્ટ થઈને સ્નાન કર્યું. બલિકર્મ કર્યુ યાવત્ શરીરને અલંકારીને જ્યાં જમાલિના પિતા હતા, ત્યાં આવ્યો, આવીને, બે હાથ જોડી જમાલિના પિતાને જય-વિજય વડે વધાવ્યા, વધાવીને આ પ્રમાણે કહ્યું - હે દેવાનુપ્રિય! જે મારે કરવા યોગ્ય છે, તેનો આદેશ આપો. ત્યારે જમાલિના પિતાએ તે વાણંદને આમ કહ્યું - હે દેવાનુપ્રિય! જમાલિ ક્ષત્રિયકુમારના નિષ્ક્રમણને યોગ્ય અગ્રકેશને ચાર આંગળ છોડીને અતિ પ્રયત્નપૂર્વક કાપી દે. ત્યારે તે વાણંદ, જમાલિ ક્ષત્રિયકુમારના પિતા પાસે આ પ્રમાણે સાંભળીને હર્ષિત, સંતુષ્ટ થઈને, બે હાથ જોડીને યાવતુ બોલ્યો - હે સ્વામી! આપની આજ્ઞા શિરોધાર્ય છે. તેમના આજ્ઞા વચન વિનયપૂર્વક સ્વીકારીને સુગંધી ગંધોદક વડે હાથ-પગ ધોયા, પછી આઠ પડવાળા શુદ્ધ વસ્ત્રથી મુખ બાંધ્યું, મુખ બાંધીને જમાલિ ક્ષત્રિયકુમારના નિષ્ક્રમણયોગ્ય અગ્રકેશ અતિ પ્રયત્નપૂર્વક ચાર અંગુલ છોડીને કાપ્યા. ત્યારે તે જમાલિકુમારની માતાએ હંસલક્ષણ પટશાટકમાં તે અગ્રકેશને ગ્રહણ કર્યા, કરીને સુગંધી ગંધોદક વડે ધોયા. ધોઈને પ્રધાન અને શ્રેષ્ઠ ગંધ અને માળા દ્વારા તેની પૂજા કરી. કરીને શુદ્ધ વસ્ત્ર વડે બાંધ્યાબાંધીને રત્નકરંડકમાં રાખ્યા. ત્યારપછી જમાલિકુમારની માતા હાર, જલધારા, સિંદુવારના પુષ્પો અને ટૂટેલા મોતીની માળા સમાન, પુત્રના દુઃસહ વિયોગને કારણે આંસુ વહાવતી એવી આ પ્રમાણે કહે છે - આ વાળ. અમારા માટે ઘણી તિથિઓ, પર્વો, ઉત્સવો, યજ્ઞો અને ક્ષણોમાં અંતિમ દર્શન રૂપ થશે. એમ વિચારીને તે વાળને પોતાના ઓશીકાની નીચે મૂક્યા. ત્યારપછી તે જમાલિકુમારના માતા-પિતા બીજી વખત ઉત્તર દિશાભિમુખ સિંહાસન રખાવ્યું, રખાવીને બીજી વખત જમાલિ ક્ષત્રિયકુમારને શ્વેત-પિત ચાંદી-સોના.ના કળશોથી સ્નાન કરાવ્યું. કરાવીને પદ્મ જેવા સુકોમળ સુગંધી કાષાયિક વસ્ત્રથી જમાલિના શરીરને લૂછ્યું, લૂછીને સરસ ગોશીષ ચંદન વડે શરીરને અનુલેખન કર્યું. કરીને નાકના નિઃશ્વાસના વાયુથી ઊડી જાય તેવા બારીક, નયનરમ્ય, વર્ણ અને સ્પર્શથી યુક્ત, ઘોડાની લાળથી પણ કોમળ, શ્વેત, સોનાના તારથી જોડેલ, મહાé(મહા મૂલ્યવાન) અને હંસલક્ષણ પટશાટક પહેરાવ્યું. પહેરાવીને હાર અને અર્ધહાર પહેરાવ્યો. એ પ્રમાણે જેમ રાયપ્પલેણઈય સૂત્રમાં સૂર્યાભદેવના અલંકારોનું વર્ણન છે, તેવું અહીં પણ જાણવુ યાવત્ વિચિત્ર રત્નોથી જડિત મુગટ પહેરાવ્યો. કેટલું વર્ણન કરીએ ? ગ્રંથિમ-વેષ્ટિમ-પૂરિમ અને સંઘાતિમ એવી ચાર પ્રકારની માળાઓથી કલ્પવૃક્ષ સમાન તે જમાલિ અલંકૃત અને વિભૂષિત કરાયો. ત્યારપછી તે જમાલિ ક્ષત્રિયકુમારના પિતા કૌટુંબિક પુરુષને બોલાવે છે, બોલાવીને આ પ્રમાણે કહ્યું - હે દેવાનુપ્રિયો ! જલ્દીથી, સેંકડો સ્તંભો વડે રચાયેલ, લીલા કરતી શાલભંજિકાથી યુક્ત ઇત્યાદિ જેમ રાયપ્પલેણદય સૂત્રમાં વિમાનનું વર્ણન યાવત્ મણિરત્ન ઘટિકાકાલથી ઘેરાયેલી, હજાર પુરુષો વડે વહન કરાતી શિબિકાને ઉપસ્થાપિત કરો, કરીને મારી આ આજ્ઞા મને પાછી સોંપો. ત્યારે તે કૌટુંબિક પુરુષોએ યાવત્ તેમ કર્યુ. ત્યારે તે જમાલિ ક્ષત્રિયકુમાર કેશ-અલંકારથી, વસ્ત્રાલંકારથી, માલ્યાલંકાર અને આભરણાલંકારથી એમ ચતુર્વિધ અલંકારથી અલંકૃત કરાયેલા, પ્રતિપૂર્ણાલંકારથી સિંહાસનથી ઊભા થયા, થઈને શિબિકાને અનુપ્રદક્ષિણા. કરતા શિબિકામાં આરૂઢ થયા. થઈને ઉત્તમ સિંહાસન ઉપર પૂર્વાભિમુખ બેઠો. મુનિ દીપરત્નસાગર કૃત્ “(ભગવતીઆગમસૂત્ર ભાવાનુવાદ Page 196
