Agam 05 Ang 05 Bhagvati Vyakhya Prajnapti Sutra Part 02

Author(s): Bechardas Doshi, Amrutlal Bhojak
Publisher: Mahavir Jain Vidyalay

Page 612

सु० २०१ -१४] सेय-निरेयाणं परमाणुपोग्गलाईणं कालंतरं अप्पाबहुयं च १००७ पएसियाणं अणंतपएसियाण य खंधाणं सेयाणं निरेयाण य दव्वट्ठयाए पएसट्ठयाए दव्वट्ठपएसट्टयाए कयरे कयरेहितो जाव विसेसाहिया वा १ गोयमा ! सव्वत्थोवा अणंतपएसिया खंधा निरेया दव्वट्ठयाए १, अणंतपएसिया खंधा सेया दव्वट्ठयाए अणंतगुणा २, परमाणुपोग्गला सेया दवट्ठयाए अणंतगुणा ३, संखेजपएसिया खंधा सेया दंव्वट्ठयाए असंखेजगुणा ४, असंखेजपएसिया खंधा सेया दव्वट्ठयाए ५ असंखेजगुणा ५, परमाणुपोग्गला निरेया दवट्ठयाए असंखेज्जगुणा ६, संखेजपएसिया खंधा निरेया दव्वट्ठयाए संखेजगुणा ७, असंखेजपएसिया खंधा निरेया दव्वट्ठयाए असंखेजगुणा ८।। पएसट्टयाए एवं चेव, नवरं परमाणुपोग्गला अपएसट्टयाए भाणियव्वा। संखेजपएसिया खंधा निरेया पएसट्टयाए असंखेजगुणा, सेसं तं चेव। १० दवट्ठपएसट्ठयाए-सव्वत्थोवा अणंतपएसिया खंधा निरेया दव्वट्ठयाए १, ते चेव पएसट्टयाए अणंतगुणा २, अणंतपएसिया खंधा सेया दव्वट्ठयाए अणंतगुणा ३, ते चेव पएसट्ठयाए अणंतगुणा ४, परमाणुपोग्गला सेया दव्वट्ठअपएसट्ठयाए अणंतगुणा ५, संखेज्जपएसिया खंधा सेया दव्वट्ठयाए असंखेजगुणा ६, ते चेव पएसट्टयाए असंखेजगुणा ७ असंखेजपएसिया खंधा सेया दव्वट्ठयाए १५ असंखेजगुणा ८, ते चेव पएसट्टयाए असंखेजगुणा ९. परमाणुपोग्गला निरेया दबट्टअपएसट्टयाए असंखेजगुणा १०, संखेजपएसिया खंधा निरेया दव्वट्ठयाए असंखेजगुणा ११, ते चेव पएसट्टयाए असंखेजगुणा १२, असंखेजपएसिया . खंधा निरेया दव्वट्ठयाए असंखेजगुणा १३, ते चेव पएसट्टयाए असंखेजगुणा १४।
[सु. २११-१६. परमाणुपोग्गलाइअणंतपएसियखंघपजतेसु खंधेसु २० __एगत्त-पुहत्तेणं जहाजोगं देसेय-सव्वेय-निरेयपरूवणं]
२११. परमाणुपोग्गले णं भंते! किं देसेए, सोए, निरेए ? गोयमा! . . नो देसेए, सिय सव्वेए, सिय निरेये।
२१२. दुपदेसिए णं भते! खंधे० पुच्छा। गोयमा! सिय देसेए, सिय सव्वेए, सिय निरेये।
२१३. एवं जाव अणंतपदेसिए। - २१४. परमाणुपोग्गला णं भंते ! किं देसेया, सव्वेया, निरेया ? गोयमा! नो देसेया, सव्वेया वि, निरेया वि।