Agam 05 Ang 05 Bhagvati Vyakhya Prajnapti Sutra Part 02

Author(s): Bechardas Doshi, Amrutlal Bhojak
Publisher: Mahavir Jain Vidyalay

Page 654

१०४९
सु० ६३-८५] संजयमेएसु १४-१५ संजम-निकासदाराई
७६. एवं जाव परिहारविसुद्धियस्स।
७७. सुहमसंपरायसंजयस्स० पुच्छा। गोयमा ! असंखेजा अंतोमुहुत्तिया संजमठाणा पन्नत्ता।
७८. अहक्खायसंजयस्स० पुच्छा। गोयमा ! एगे अजहन्नमणुक्कोसए संजमठाणे।
७९. एएसि णं भंते ! सामाइय-छेदोवट्ठावणिय-परिहारविसुद्धिय-सुहुमसंपराय-अहक्खायसंजयाणं संजमठाणाणं कयरे कयरेहितो जाव विसेसाहिया वा ? गोयमा ! सव्वत्थोवे अहक्खायसंजयस्स एगे अजहन्नमणुकोसए संजमट्ठाणे, सुहुमसंपरागसंजयस्स अंतोमुहुत्तिया संजमठाणा असंखेज्जगुणा, परिहारविसुद्धियसंजयस्स संजमठाणा असंखेजगुणा, सामाइयसंजयस्स छेदोवट्ठावणियसंजयस्स १० य एएसि णं संजमठाणा दोण्ह वि तुल्ला असंखेज्जगुणा। [दारं १४] ।
[सु. ८०-९३. पणरसमं निकासदारं-पंचविहसंजएसु चरित्तपञ्जवपरूवणाह]
[सु. ८०-८१. पंचविहसंजएसु अणंतचरित्तपजवपरूवणं]
८०. सामाइयसंजतस्स णं भंते ! केवतिया चरित्तपन्जवा पन्नत्ता ? गोयमा ! अणंता चरित्तपन्जवा पन्नत्ता ।
८१. एवं जाव अहक्खायसंजयस्स।
[सु. ८२-९२. पंचविहसंजएसु सट्ठाण-परट्ठाणचरित्तपजवेहिं
हीण-तुल्ल-अब्भहियपरूवणं] ८२. सामाइयसंजए णं भंते ! सामाइयसंजयस्स सट्ठाणसन्निगासेणं चरित्तपज्जवेहिं किं हीणे, तुल्ले, अब्भहिए ? गोयमा ! सिय हीणे०, छट्ठाणवडिए। २०
८३. सामाइयसंजए णं भते! छेदोवट्ठावणियसंजयस्स पराठाणसन्निगासेणं चरित्तपजवेहिं० पुच्छा। गोयमा ! सिय हीणे०, छट्ठाणवडिए।
८४. एवं परिहारविसुद्धियस्स वि।
८५. सामाइयसंजए णं भंते! सुहुमसंपरायसंजयस्स परट्ठाणसन्निगासेणं चरित्तपज्जवे० पुच्छा। गोयमा ! हीणे, नो तुल्ले, नो अब्भहिए; अणंतगुणहीणे। २५