Agam 05 Ang 05 Bhagvati Vyakhya Prajnapti Sutra Part 02

Author(s): Bechardas Doshi, Amrutlal Bhojak
Publisher: Mahavir Jain Vidyalay

Page 632

१०२७
सु० ७०-९०] नियंठमेएसु १३-१४ गति-संजमदाराई सामाणियत्ताए उववज्जेज्जा, तावत्तीसगत्ताए उववज्जेज्जा, लोगपालगत्ताए उववज्जेज्जा, नो अहमिंदत्ताए उववजेजा। विराहणं पडुच्च अन्नयरेसु उववजेज्जा ।
८०. एवं बउसे वि। ८१. एवं पडिसेवणाकुसीले वि।
८२. कसायकुसीले० पुच्छा । गोयमा ! अविराहणं पडुच्च इंदत्ताए वा ५ उववजेजा जाव अहमिंदत्ताए वा उववजेजा। विराहणं पडुच्च अन्नयरेसु उववजेजा।
८३. नियंठे० पुच्छा। गोयमा ! अविराहणं पडुच नो इंदत्ताए उववजेजा जाव नो लोगपालत्ताए उववज्जेज्जा, अहमिंदत्ताए उववजेजा। विराहणं पडुच्च अन्नयरेसु उववज्जेजा।
८४. पुलायस्स णं भंते ! देवलोगेसु उववज्जमाणस्स केवतियं कालं ठिती पन्नत्ता ? गोयमा ! जहन्नेणं पलियोवमपुहत्तं, उक्कोसेणं अट्ठारस सागरोवमाई।
८५. बउसस्स० पुच्छा । गोयमा ! जहन्नेणं पलियोवमपुहत्तं, उक्कोसेणं बावीसं सागरोवमाई।
८६. एवं पडिसेवणाकुसीलस्स वि।
८७. कसायकुसीलस्स० पुच्छा। गोयमा ! जहन्नेणं पलियोवमपुहत्तं, उक्कोसेणं तेत्तीसं सागरोवमाइं।
८८. णियंठस्स० पुच्छा। गोयमा ! अजहन्नमणुक्कोसेणं तेत्तीसं सागरोवमाइं। दारं १३]। [सु. ८९-९३. चोदसमं संजमदारं-पंचविहनियंठेसु अप्पाबहुयसहियं २०
___संजमट्ठाणपरूवणं] ८९. पुलागस्स णं भंते ! केवतिया संजमठाणा पन्नत्ता ? गोयमा ! असंखेजा संजमठाणा पन्नत्ता।
९०. एवं जाव कसायकुसीलस्स।
१. वायत्ती मु०॥