Stotratmaka tatha Updeshatmaka Chotris Laghu Krutiono Samucchaya

Author(s): Shilchandrasuri
Publisher: ZZ_Anusandhan

Page 19

जून २००८
भवकूवमज्जिरेणं हत्थालंबो मए तुमं पत्तो । मोहवसा उव्वलिउं निवडतं अहह मं रक्ख ॥ ११ ॥ जइ सम्मं मह सामिय ! सव्वंगं फुरइ भवदुहसरूवं । ता नीरंपि न पाउं कमइ मणे किं पुणऽनकहा ? ॥ १२ ॥ तुह आणाए सामिय ! एगत्तो अम्ह माणसं फुरइ । अन्नत्तो विसएसुं डमरुयगंठिन किं करिमो ।। १३ ।। पवणपणुल्लिरनीरे रविपडिबिंबं व चंचलं भुवणं । अणुसमयं पि नियंतो जं नवि रज्जामि ही विसया ! ॥ १४ ।। अवहीरिओवि तुमए पत्थेमी तहवि कलुणवयणेहिं । पइ मुक्को अहह भवे सामिय ! होहं कहमहति ।। १५ ॥ अहह ! अहं नो सामिय ! सरणागयवच्छलेवि पई पत्ते । मह जं न परित्ताणं ता हं दीणो कहं होहं ? ॥ १६ ॥ कत्थ कया कह पुणरविमाइ सद्धाइ नाह ! तं दच्छं । ता मज्झ हे दयालुय ! दिट्ठिपसायं पणामेसु ॥ १७ ॥ जं कि पि हु संसारे पगरिसपत्तं मणम्मि सुहज्झेयं । तह जीहाइ थुणिज्जतं पि हु मह नाह ! तं चेव ॥ १८ ॥ तुह पयसेवं मुत्तुं न हु अवरं किंपि नाह ! पत्थेमि । ता किं मं अवहीरसि करुणाभरमंथरं नियसु ॥ १९ ॥ जइ तुडिवसेण तुम्हं नयणंबुयकरपरायपिंजरिओ । होहं कहमवि ता जिण ! ननो धन्नो जए नूणं ॥ २० ॥ तुह सिद्धंतरहस्सं नाउं संवेगसंगयमणोवि । विसएसु जं घुलामी तं सल्लं हलइ महल्लं ॥ २१ ॥ वर्सेतो वि उवाए जमहं न तरामि लंघिउं देव्वं । का तत्थ मज्झ अरई पुणो पुणो तहवि भिज्जामि ।। २२ ।। तुह समयसमुद्दाओ मइमंदरमंथणेण सामि ! मए । उवसमरयणं लद्धं बद्धं नियहिययगंठीए ॥ २३ ॥ तिहुयणरज्जाओ वि हु अहिओ मह जाव फुरइ आणंदो । विसयाइ-तक्करहिं ता हीरइ ही नियंतस्स |॥ २४ ॥