Stotratmaka tatha Updeshatmaka Chotris Laghu Krutiono Samucchaya

Author(s): Shilchandrasuri
Publisher: ZZ_Anusandhan

Page 34

३४
अनुसन्धान ४४
तुह कित्तीए जउणा धवला गंगत्ति सिंधुणा भणिया । ईसालुत्तं सामिय ! ठिया वहंती खणं कुविया ॥ १० ॥ सग्गं गयंमि तुमए को अन्नो नाह ! एत्थ विउसाणं । संसय-गिरि-निद्दलणं उत्तर-दंभोलिणा काही ? ॥ ११ ।। सिरि धम्मसूरि-जलहर ! तुह देसणमहरनीरमलहंतो । भवियणमणबप्पीहो तिसिउच्चिय भमइ भुवणयलं ॥ १२ ।। पई देसणं कुणंते नाह ! इमं भवियणेण विनायं । किं नयणा अह सवणा सव्वं माणिवि मह हवंतु ॥ १३ ॥ जं किंपि पियं मइ पहु ! जं किंपि हु मंगलं पि भुवर्णमि । जं किंपि सलहणिज्नं तं सयलं पि हु तुमं चेव ॥ १४ ॥ वाणीइ कन्नपूरो देसणलच्छीइ मउड़पडितुल्लो । चरणसिरीए हारो सामि ! कया कत्थ दीसिहिसि ? ॥ १५ ।। पंचसयाई पहरे पढिऊणं तह पवासिया पत्रा। जइ मन्निज्जइ पुव्वि पाठो हुँतो अलिहिओत्ति ।। १६ ।। तुह पहु ! बुहावि सीसा सन्निहिया अवहियावि अणवरयं । मूलपडिमापइट्ठा-संखं पखलंति कुणमाणा ।। १७ ।। रायसहासुं तुह पहु ! वाइंदमइंददप्पनिद्दलणो। पंचाणणपडितल्लो जयसद्दो कस्स अवरस्स? । १८ ।। अप्पडिबद्धविहारं नाह ! कुणंतेण विविहदेसेसु । सूरेण व कमलवणं भुवणमिणं बोहियं तुमए ॥ १९ ॥ सोहग्गसंपयाए कि तुम्ह कलिमि सामि ! वन्नेमि । गोयमपहुव्व जीए पडिच्छिओ भवियलोएणं ।। २० ।। गच्छसमुद्दो सामिय ! तुमए तह पालिओ सुमज्जाए। जह लब्भइ निव्वाणं तम्मि भवे अहव तइयंमि ।। २१ ॥ जे सज्जणगुणहीणा जाण मुहाओ गुणो न नीहरिओ । ते वि करिति थुइं तुह इयरथुईसुं पहु ! न चोज्जं ॥ २२ ।। आजम्मं पि न दिज्जे जहिं तुमं पहु ! गुणेहिं परसिट्ठो । ताणवि मणे निविट्ठो एसो च्चिय गुणिगणगरिठ्ठो ।। २३ ।।