Stotratmaka tatha Updeshatmaka Chotris Laghu Krutiono Samucchaya

Author(s): Shilchandrasuri
Publisher: ZZ_Anusandhan

Page 43

जून २००८
मा पुण एगं पुच्छिय कुज्जा दो तिन्नि अवरकिच्चाई । लहुएसु वि कज्जेसुं [ए] सा मेरा सुसाहूणं ॥ १७ ।। काउं गुरुंपि कज्जं न कर्हिचिय पुच्छि[ या] विगोविति । जे उण एरिसचरिया गुरूकुलवासेण किं ताण ? ॥ १८ ।। जोग्गाजोग्गसरूवं नाउं केणावि कारणवसेण । सम्माणाइविसेसं गुरुणो दंसंति सीसाणं ॥ १९ ॥ एसो सया विमग्गो एगसहावा न हुंति जं सीसा । इय जाणिय परमत्थं गरूँमि खेओ न कायव्वो ॥ २० ॥ मा चिंतह पुण एवं किंपि विसेसं न पेच्छिमो अम्हे। रत्ता मूढा गुरुणो असमत्था एत्थ किं कुणिमो? ॥ २१ ।। रयणपरिक्खगमेगं मुत्तुं समकंतिव्व न(वन)रयणाणं । किं जाणंति विसेसं मिलिया सव्वेवि गामिल्ला ? ॥ २२ ।। एयं चिय जाण मणो ते सीसा साहयंति परलोयं । इयरे उव(य)रं भरिउं कालं वोलिंति महिवलए ॥ २३ ।। एवं पि हु मा जंपह गुरुणो दीसंति तारिसा नेव । जे मज्झत्था होउं जहट्ठियवत्थु वियारंति ॥ २४ ॥ समयाणुसारिणो जे गुरुणो ते गोयमं व सेवेज्जा । मा चिंतह कुविकप्पं जइ इच्छह साहियं(उ) मोक्खं ॥ २५ ॥ वक्क-जड़ा अह सीसा के वि हु चिंतंति किंपि अघडंतं । तहवि हु नियकम्माणं दोसं देज्जा न हु गुरूणं ।। २६ ।। चक्कित्तं इंदत्तं गणहर-अरहंतपमुहचारुपयं । मणवंछियमवरं पि हु जायइ गुरुभत्तिजुत्ताणं ॥ २७ ॥ आराहणाओ गुरुणो अवरं न हु किंपि अस्थि इह अमियं । तस्स य विराहणाओ बीयं हालाहलं नस्थि ।। २८ ।। एयं पि हु सोऊणं गुरुभत्ती नेव निम्मला जस्स । भवियव्वया पमाणं किं भणिमो तस्स पुणरुत्तं ! ॥ २९ ॥ साहूण साहुणीणं सावय-सड्ढीण एस उवएसो । दुन्हं लोगाण हिओ भणिओ संखेवओ एत्थ ॥ ३० ॥