Stotratmaka tatha Updeshatmaka Chotris Laghu Krutiono Samucchaya

Author(s): Shilchandrasuri
Publisher: ZZ_Anusandhan

Page 45

जून २००८
आजम्मं जं तुमए तीसु वि संझासु मग्गियं भद्द ! | राहावेहसमं तं साहिय गिण्हसु जयपडायं ॥ ९ ॥ जइ जिय ! तुह नवकारो होही हिययंमि भावणासहिओ । ता सग्ग-सिवसुहं मह जाणसु करसंठियं अज्ज ॥ १० ॥ एयं परमरहस्सं तं निसुण महाणुभाव ! एकमणे । जिणमयभावियचित्तो जं अज्ज करेसि सुहडत्तं ॥ ११ ।। दाणं दाऊण बहुं तवंपि तविउं सुदीहरं कालं । सीलं चरिऊण चिरं पढिउं तहणेगसत्थाई ॥ १२ ॥ कू(का)रिय जिणभवणाई सद्धाए सेविऊण गुरुपाए । सव्वस्स वि फलमेयं जं अज्ज करेसि धीरत्तं ॥ १३ ॥ एयं काऊण तुमं मा पत्थसु मणुयसग्गरिद्धीओ। मग्गसु पुणोवि एवं सुहाण सव्वाण वरबीयं ॥ १४ ॥ मंगलनिहिपायपउमनाहमि जिणेह कज्जपडिवत्ती । जिणधम्ममि गुरुसु य चिंतिज्ज तुम इमं जीव ! ॥ १५ ॥ इय तं पंडियविहिणा काउं आराहणं चरिमसमए । तं नत्थि किंपि नूणं कल्लाणं जं न पाविहसि ॥ १६ ।। इति पर्यन्त समयाराधना कुलकम् ॥ छ ।
&
(१९) उपदेशकुलकम् चिंतसु उवायमेसं संसारे गरुयमोहनियलाओ। चिरकालसेवियाओ रे ! मुच्चसि इह कहं जीव !? || १ ॥ मोहविसं अवणेउं गुरुदेसण-संतसंगमवसाओ । परिभावितो तत्तं उवएसामयरसं पियसु ॥ २ ॥ कुणसु दयं भणसु पियं मुंच परधणं चएसु परमहिलं । इच्छइ निलंभिऊणं इंदियपसरं तह जिणेसु ॥ ३ ।। सयलं पि हु सामग्गि धम्मे लहिऊण कहवि रे जीव!। सययं चोइज्जतो मा हारह एरिसं जम्मं ॥ ४ ॥