Stotratmaka tatha Updeshatmaka Chotris Laghu Krutiono Samucchaya

Author(s): Shilchandrasuri
Publisher: ZZ_Anusandhan

Page 38

३८
अनुसन्धान ४४
एयं मुत्तूण भवं पत्तो संसारसायरे घोरे । को जाणइ किर कइया गुरुपाए हं लहिस्सामि ॥ २८ ॥ ओ ! तं जीव ! अलज्जिर ! भणिओ धम्मोवएसलक्खेहिं । जइ नेव किंपि लग्गं ता सरणं मज्झ किर मोणं ।। २९ ॥ विसयविरत्ता मुणिणो कालोच्चिय संजमंमि जे निरया ! आजम्मंपि तिसंक(झं) पयहूलि वंदिमो ताण ॥ ३० ॥ पइदियहं पइसमयं खणंपि मा मुयसु एयमुवएसं । जइ भवदुहाण तित्तो तिसिओ उण परमसोक्खाण ॥ ३१ ।। सिरि धम्मसूरिपहुणो निम्मलकित्तीइ भरियभुवणस्स । सीसलवेहि कुलयं रइयं सिरि रयणसूरीहिं ।। ३२ ॥ छ ।।
NX3
(१६) श्री मनोनिग्रह भावना कुलकम् सिरि धम्मसूरि पहुणो उवएसामयलवं सुणेऊणं । तं चेव तिहा नमिउं मणनिग्गहभावणं भणिमो ॥ १॥ संसारभवणखंभो नरयानलपावणंमि सरलपहो । मणमणिवारियपसरं किं किं दुक्खं न जं कुणइ ? ॥ २ ॥ वायाए कारणं मणरहियाणं न दारुणं कर्म । जोयणसहस्समाणो मुच्छिममच्छो उयाहरणं ॥ ३॥ वइ-कायविरहियाण वि कम्माणं चित्तमेत्तविहियाणं । अइघोरं होइ फलं तंदुलमच्छोव्व जीवाणं ।। ४ ।। गलियविवेयाण मणो निग्गहिउं दुक्करं फुडं ताव । संजायविवेगाण वि दुक्करमेयंपि किर होउ ।। ५ ।। करयलगयमुत्तीणं तित्थयरसमाणचरणभावाणं । ताणं पि हु जं दुक्कर-मेयमहो ! मह महच्छरियं ! ।। ६ ।। मणनिग्गहवीसासो कइयावि न जुज्जए इहं काउं । अप्पडिवायं नाणं उप्पन्नं जा न जीवाणं ॥ ७ ॥