Shrutsagar

Author(s): Mahabodhivijay
Publisher: Jinkrupa Charitable Trust

Page 8

સહુ પ્રથમ આ લેખ સંઘરત્ન કુમારપાળભાઇ વી. શાહને વાંચવા મોકલ્યો. તેઓનો સામેથી મેસેજ આવ્યો : આ લેખ ક્યાંય છાપવા મોકલ્યો છે ? મેં ના કહેતા તેમણે કહ્યું : હવે ક્યાંય મોકલશોપણનહિ. આ લેખ આપણે જિનાજ્ઞામાસિકમાં લઇ લેશું. લેખ છપાયો. મહાત્માઓ અને શ્રાવકોતરફથી સારો રિસ્પેસ પણ મળ્યો. | એ પછી ગત વર્ષે (વિ.સં. ૨૦૬૮) સૂરતના ચાતુર્માસમાં પૂજ્ય આ.શ્રી મુનિચન્દ્રસૂરિજી સંપાદિતઓપપાતિક સૂત્ર સટીકમારા હાથમાં આવ્યું. એમાં મુનિશ્રી પુંડરિકરત્નવિજયજી લિખિત પૂજ્યશ્રીનું જીવનચરિત્ર વાંચ્યું. અનેક નવા પ્રસંગો વાંચવા મળ્યા. મને થયું, આવું સરસ ચરિત્ર શાસ્ત્રગ્રંથમાં છપાય તો તે શાસ્ત્રનો સ્વાધ્યાય કરનારા જ વાંચશે. જ્યારે આ ચરિત્રતો જૈન સંઘના બચ્ચે બચ્ચાએ વાંચવા જેવું છે. સમસ્ત વિશ્વમાં જે મહાપુરુષના વ્યક્તિત્વને પ્રસિદ્ધ કરવાનું હોય... એમનું જીવનકમસેકમજૈન સંઘતો જાણતો થાય. એ માટે એને કોઇ શાસ્ત્રગ્રંથમાં કેદ ન રાખતા સ્વતંત્રપુસ્તક રૂપે પ્રકાશિત કરવું જોઇએ.
આ કાર્ય કદાચ મારા માટે જ બાકી લાગે છે. મેં મારા મંદક્ષયોપશમાનુસાર પૂજ્યશ્રીના લેખોનું કલેકશન શરૂ કર્યું. પૂજ્યશ્રીની વિવિધ પ્રતિકૃતિઓ (ફોટો) મેળવી આપવામાં સહાય બન્યા સુશ્રાવક રાજુભાઇ (આદરિયાણાવાળા), જ્યારે એની સરસ સાજ-સજ્જા કરી પુસ્તકરૂપે પ્રકાશિતકરવામાંકમરકસી શ્રેણિકભાઇએ. ને આ પ્રકાશન ખૂબ જ ઝડપી તૈયાર થયું છે. એટલે સહજ છે... પૂજ્યશ્રીના જીવનના અનેક પ્રસંગો આમાં નથી સમાવાયા. બાકી આવા એક નહિ, દશ ભાગો પણ ઓછા પડે એવા વિરાટ વ્યક્તિત્વના તેઓ સ્વામી હતા.