________________
પૂજ્યશ્રી મહાન વિદ્વાન હતા તેમજ ઉંચા ગજાના શંસોધક હતા એ તો જગપ્રસિદ્ધ છે. પણ નાનામાં નાના કે નવા નવા સંશોધનમાં જોડાયેલા કોઇપણ સમુદાયના સાધુઓને તમામ પ્રકારની સહાય કરવા સદા તત્પર રહેતા.
પંન્યાસશ્રી જિનેશચન્દ્રવિજયજીને પૂજ્યશ્રીએ હસ્તપ્રસ્તના કેટલાક પત્રો પ્રતિલિપિ કરવા આપેલા. એ વખતે પૂજ્યશ્રી પાલીતાણા હતા. પ્રતિલિપિ થયા પછી આગળનું માર્ગદર્શન મેળવવા તેઓ પૂજ્યશ્રીના ઉતારે પહોંચ્યા. પૂજ્યશ્રી ગિરિરાજની યાત્રા કરી જસ્ટ આવ્યા હતા. હજી પાણી પણ વાપરવાનું બાકી હતું. પંન્યાસજીએ કહ્યું સાહેબજી ! હું પછી આવીશ. ત્યારે પૂજ્યશ્રીએ કહ્યું : ના, ના... તમે ફરી ધક્કો ખાવ તે બરાબર નથી.
પચ્ચકખાણ પારી, પાણી વાપરી પૂજ્યશ્રીએ પોતાના શિષ્યોને કહ્યું આજે મારી ગોચરી ન લાવશો. અને પ્રતિલિપિ કરેલા પત્રો તપાસવાનું ચાલુ કરી દીધું. થોડીક ક્ષણોમાં જ એમની સૂક્ષ્મદૃષ્ટિમાં કેટલીક ભૂલો ચડી. એમણે તરત જ એ ભૂલો સુધારી અને વ્યાકરણના કયા સૂત્રથી આ પાઠમાં સંશોધન કર્યું છે તે પણ જણાવ્યું. એ વખતે પૂ.આ.શ્રી સોમચન્દ્રસૂરિ મહારાજ પણ ત્યાં ઉપસ્થિત હતા. પૂજ્યશ્રીની સૂક્ષ્મબુદ્ધિથી બંને જણા આશ્ચર્ય અને અહોભાવની લાગણીથી પૂજ્યશ્રીને વંદી રહ્યા.
|
(૩) એકવાર પંડિત જીતુભાઇ પૂજ્યશ્રી પાસે આવ્યા. એમણે કહ્યું : અમે વિદ્વાનોના નામે અભિનંદન ગ્રંથ બહાર પાડીએ છીએ. આ વખતે આપશ્રીના નામનો અભિનંદન ગ્રંથ અમારે બહાર પાડવો છે. ગ્રંથની રૂપરેખા આપતા પંડિતજીએ કહ્યું કે- આમાં આપનું જીવનચરિત્ર, આપના વિષેના વિદ્વાનોના લેખ, અન્ય વિષયક લેખો, આપના લેખો તેમજ અન્ય ફોટોગ્રાફ્સ વગેરે આવશે. ' આ સાંભળતા જ પૂજ્યશ્રીએ કહ્યું : મારો ફોટો કે મારું જીવનચરિત્ર બિલકુલ છાપવાનું નથી કે મારા વિષેના લેખો પણ છાપવાના નથી. માત્ર તત્ત્વજ્ઞાના લેખો છાપવા હોય તો જ મારી સમ્મતિ છે. અન્યથા મારી બિલકુલ સમ્મતિ નથી.
પંડિતજી આ મહાપુરુષને - નિસ્પૃહી મહાત્માને અપલક નયને નીરખી રહ્યા. પૂજ્યશ્રીની ઇચ્છાનુસાર પૂજ્યશ્રીના ફોટા કે જીવનચરિત્ર વિનાજ જંબૂજ્યોતિ નામનો અભિવાદન ગ્રંથ બહાર પાડ્યો. આ પ્રસંગમાં આપશ્રીને પૂજ્યશ્રીના સાચા અંતર્મુખ સાધકના દર્શન થાય છે.
૧૨
