Shrutsagar

Author(s): Mahabodhivijay
Publisher: Jinkrupa Charitable Trust

Page 61

વર્તમાન પરિસ્થિતિ - - પૂજ્ય ધર્મઘોષવિજયજી મ.સા., જેઓ અકસ્માત પછી જોધપુર (રાજસ્થાન) હોસ્પિટલમાં સારવાર લેતા હતા, તેઓ ભાનમાં આવી ગયા છે, અને આ જાન્યુઆરીમાં તબિયત સુધરતાં હોસ્પિટલમાંથી રજા આપશે. બાકીના સર્વે સાધુ, સાધ્વીજી ભગવંત પાટણમાં લગભગ એક વર્ષથી ઓછું રોકાણ કરશે અને સ્થાનિક પંડિતો પાસે અભ્યાસ કરશે. પૂજ્ય ગુરુદેવ જંબૂવિજયજી મહારાજની અંતિમ ઇચ્છા દરેક મનુસ્કીટનું સ્કેનીંગ ડીસેમ્બર ૨૦૦૯ થી માર્ચ ૨૦૧૦ સુધીમાં પૂર્ણ કરવાની હતી તે કામ આગળ ધપાવશે. આ કારણે જ પૂ. જંબૂવિજયજી મ.સા. ફેબ્રુઆરી ૨૦૦૯ થી જુન ૨૦૦૯ સુધી પાટણમાં સ્થિરવાસ હતા.
૧૨ મી નવેમ્બરે ઘાતક વાહનના ડ્રાઇવરને બાઇટુથી પોલિસે પકડી પાડ્યો હતો પરંતુ માની ન શકાય કે માત્ર દસ દિવસની પૂછપરછ બાદ તેને જામીન પર છૂટો કરવામાં આવ્યો હતો. પોલિસ ડીપાર્ટમેન્ટે હજી તે અનોપ મંડલનો સભ્ય છે કે કેમ તે નક્કી નથી જણાવ્યું તથા તે એક સાચો ગુનેગાર છે કે નહીં તે પણ નક્કી નથી જણાવ્યું. સામાજિક પ્રતિક્રિયા -
આ અકસ્માત પહેલા, ૯ નવેમ્બર ૨૦૦૯માં મહેસાણા (ગુજરાત) પાસે ચાર સાધ્વીજી મહારાજ પણ આવા અકસ્માતથી માર્યા ગયા હતા. જૈન સમુદાય દેઢપણે માને છે કે જૈન સાધુ-સાધ્વીજી ભગવંતના આવા અકસ્માત એ માત્ર અકસ્માત નથી પરંતુ અનોપ મંડલ દ્વારા તેમની હત્યા કરવામાં આવી છે. સાહજિક રીતે જ, સમાચાર પત્રો અને મેગેઝીનમાં ‘આ અકસ્માત નહીં પણ ષડયંત્ર હતું' અથવા
ગુનેગાર કોણ ?” વિગેરેથી સમાચાર છાપ્યા હતા.અગાઉ જણાવ્યા પ્રમાણે તપાગચ્છાધિપતિ સત્તાવાર રીતે અનુપ મંડલને જ આ સામૂહિક હત્યા માટે આરોપી ઠેરવે છે. નાના વિહાર શંખેશ્વરથી પાટણ જવામાં પણ પૂ. જંબૂવિજયજીના સાધુ સાધ્વીજી ભગવંત અત્યંત ગભરાટમાં હતા. તેમને હતું કે અનોપ મંડલવાળા ફરી તેમને નિશાન બનાવી મારી નાંખશે. બધાએ મને તેમની સાથે વિહારમાં નહીં જવા કહ્યું, કારણ કે અનોપ મંડળવાળાને સમાચાર પત્રમાંથી માહિતી મળે કે હું પણ વિહારમાં છું અને અચૂક અકસ્માત કરે. પરંતુ હું દઢ આત્મવિશ્વાસથી અને સંકલ્પ સાથે વિહારમાં જોડાઇ ગયો અને જાત્રા સુખરૂપ થઇ.