Shrutsagar

Author(s): Mahabodhivijay
Publisher: Jinkrupa Charitable Trust

Page 11

પ્રવચન પૂર્ણ થયા બાદ પૂજ્યશ્રી પાસે એક યુવાન આવ્યો. એણે કહ્યું : અમારું નવ જેટલા યુવાનોનું ગ્રુપ છે. આજનું પ્રવચન સાંભળીને અમે નક્કી કર્યું છે કે... ભિવંડીથી જે પણ ગુરુભગવંતો વિહાર કરે તેમને એક સ્ટેશન સુધી વળાવવા જશું.
પૂજ્યશ્રીએ એને કહ્યું : નિર્ણય કરતા પહેલા વિચારી લેજો. જેથી ભવિષ્યમાં પાછા પડવાનું ન થાય. એ યુવાન એના સંકલ્પમાં મજબૂત હતો. બીજા જ દિવસથી એણે આ સેવા ચાલુ કરી દીધી. નવ યુવાનોના ગૃપથી શરૂ થયેલી આ સેવામાં પછી તો “લોગ ચલતે રહે, કારવાં બનતા ગયા”ના ન્યાયે અનેક યુવાનો જોડાઇ ગયા. છેલ્લા સાડા ત્રણ વર્ષથી સતત ચાલતી આ સેવા આજે પણ અખડપણે ચાલે છે. એટલું જ નહિ, આ યુવાનોની નિઃસ્વાર્થ વિહાર સેવાના આલંબને મુંબઇમાં મુલુન્ડ, બોરીવલી, મહારાષ્ટ્રમાં નંદુરબાર, ગુજરાતમાં વાપી, વલસાડ, નવસારી, સુરત, ભરૂચ, વડોદરા, આણંદ નડીયાદ જેવા મોટા શહેરો અને અનેક નાના ગામોમાં પૂજ્યશ્રીની પ્રેરણાથી વિહાર સેવા ગૃપના સેંટરો ખુલી ગયા છે. ૨૫ જેટલા સેંટરોમાં ૨૦૦૦થી વધુ યુવાનો વિહાર કરતા પૂજ્યશ્રીની સેવામાં જોડાઇ ગયા છે. જે અતિ આનંદની અને અનુમોદનાની વાત છે.
અંતમાં પૂજ્યશ્રીનો શ્રદ્ધાંજલી ગ્રંથ ભલે આજ સુધી બહાર નથી પડ્યો, પણ પૂજ્યશ્રીને શ્રદ્ધાંજલી આપવાના બહાને ગોઠવાયેલ ગુણાનુવાદ સભાના નિમિત્તે ઠેરઠેર વિહાર સેવા ગૃપો ખુલી ગયા એ કદાચ પૂજ્યશ્રીને અપાયેલ સહુથી મોટી શ્રદ્ધાંજલી છે, વળી પ્રેક્ટીકલ શ્રદ્ધાંજલી છે. એમાં કોઇ બેમત નથી.
લી. જિનકૃપા ચેરિટેબલ ટ્રસ્ટ
/
રતા