Sambodhi 1979 Vol 08

Author(s): Dalsukh Malvania, H C Bhayani, Nagin J Shah
Publisher: L D Indology Ahmedabad

Page 344

दानादिप्रकरणम् नीचासनो न चासन्नो नातिदूरे न पृष्ठतः । न पार्श्वतः समश्रेण्या पुरोऽपि न पराङ्मुखः ॥३८॥ सम्मुखीनोऽग्रतः पृष्ठे स्थास्नुकायः स्थिरासनः । नैवान्नपादिकां कुर्यान्नैव पादप्रसारिकाम् ॥३९॥ अवष्टम्भं न पट्टादौ नापि पर्यङ्कबन्धनम् । नाधिक्षेपं विवादं नो न सावज्ञं न चापरम् ॥४०॥ व्याख्यानादन्यदाप्येषां चेतसे यन्न रोचते । अपथ्यमिव दूरेण हितैषी तद्विवर्जयेत् ॥४१॥ चित्तानुवर्ती सर्वत्र प्रविष्ट इव चेतसि । प्रवर्तेत निवर्ते[१३-२]त हितकारी प्रियङ्करः ॥४२॥ यथा पूर्व तथा पश्चाद् यथाऽने पृष्ठतस्तथा । निर्व्याजवृत्तिः पूज्यानां सुखीकुर्यान्मनः सदा ॥४३॥ इति गुरुजनं भक्त्याऽऽराध्य प्रयत्नपरायणा . विमलमनसो धन्या मान्या जनस्य सुमेधसः । श्रुतजलनिधेर्गत्वा प्रान्त नितान्तमहीयसः ।
सपदि सुखिनः सम्पधन्ते पदं परसम्पदाम् ॥४४॥ नो माता सुतवत्सला न च पिता स्वामी प्रसन्नो न वा .. न भ्राता सहजाञ्जसो न सुहृदा नार्था न हस्त्यादयः । यन्निष्कारणनिष्कलङ्ककरुणाः सर्वोपकारोवता
[१४-१] हेयादेयविपश्चितस्तनुमतां श्रीसूरयः कुर्वते ॥४५॥ गुरूपकारः शक्येत नोपमातुमिहापरैः । उपकारैर्जगज्ज्येष्ठो जिनेद्रोऽन्यनरैर्यथा ॥४६॥ जन्मशतैरपि शक्यं नृभिरानृण्यं गुरोर्न तु विधातुम् । तद्गुणदानाभावे ते च गुणास्तस्य सन्त्येव ॥४७॥ ततो गुरूणां चरणाम्बुजं सदा
कृतज्ञभावेन कृती निषेवते । पदं महासम्पदमन्यदोहित
हितं मनोहारि यमा(शां)सि विन्दते ॥४॥