Nayadhamma Kahao

Author(s): N V Vaidya
Publisher: N V Vaidya

Page 204

197
-XVI.132]
नायाधम्मकहाओ नामं कोई निविहे । तए णं से कण्हे वासुदेवे जेणेव सए खंधावारे तेणेव उवागच्छइ २ सएणं खंधावारेणं साद्धं अभिसमन्नागए याधि होत्था । तए णं से कण्हे वासुदेवे जेणेव बारवई नयरी तेणेव उवागच्छइ २ अणुप्पविसइ। ___(132) तए णं ते पंचपंडवा जेणेव हत्थिणाउरे तेणेव उवागच्छंति २ जेणेव पंडू राया तेणेव उवागच्छंति २ करयल जाव एवं वयासी - एवं खलु ताओ ! अम्हे कण्हेणं निव्विसया आणत्ता । तए णं पंडूराया ते पंचपंडवे एवं वयासी - कहण्णं पुत्ता ! तुब्भे कण्हेणं वासुदेवेणं निविसया आणत्ता ? तए णं ते पंचपंडवा पंडं रायं एवं वयासी- एवं खलु ताओ ! अम्हे अवरकंकाओ पडिनियत्ता लवणसमुहं दोन्नि जोयणसयसहस्साई वीईवइत्या । तए णं से कण्हे वासुदेवे अम्हे एवं वयइ - गच्छह णं तुम्भे देवाणुप्पिया ! गंगं महानई उत्तरह जाव ताव अहं एवं तहेव जाव चिट्ठामो । तए णं से कण्हे वासुदेवे सुट्ठियं लवणाहिवई दह्ण तं चेव सव्वं नवरं कण्हस्स चिंता न बुज्झइ जाव निव्विसए आणवेइ । तए णं से पंडुराया ते पंचपंडवे एवं वयासी- दुठ्ठ णं तुमं पुत्ता ! कयं कण्हस्स वासुदेवस्स विप्पियं करेमाणेहिं । तए णं से पंडूराया कोंतिं देविं सहावेइ २ एवं वयासी – गच्छह णं तुमं देवाणुप्पिया! बारवई कण्हस्स वासुदेवस्स निवेएहि - एवं खलु देवाणुप्पिया! तुमे पंचपंडवा निव्विसया आणत्ता । तुमं च णं देवाणुप्पिया ! दाहिणभरहस्स सामी । तं संदिसंतुणं देवाणुप्पिया! ते पंचपंडवा कयरं देस वा दिसिं वा गच्छंतु ? तए णं सा कोंती पंडुणा एवं वुत्ता समाणी हत्थिखधं दुरूहइ जहा हेठा जाव संदिसंतु णं पिउच्छा ! किमागमणपओयणं । तए णं सा कोंती कण्हं वासुदेव एवं क्यासी – एवं खलु तुमे पुत्ता ! पंचपंडवा निविसया आणत्ता तुमं च णं दाहिणड्डभरहस्स जाव दिसं वा गच्छंतु । तए णं से कण्हे वासुदेवे कोतिं देविं एवं वयासी- अपूयवयणा णं पिउच्छा ! उत्तमपुरिसा वासुदेवा बलदेवा चक्कवट्टी । तं गच्छंतु णं पंचपंडवा दाहिणिल्लवेयालिं तत्थ पंडुमहुरं निवेसंतु मम अदिवसेवगा भवंतु त्तिक१ कोंतिं देविं