Nayadhamma Kahao

Author(s): N V Vaidya
Publisher: N V Vaidya

Page 222

-XTX.145]
नाया मकाओ
॥ एगूणवीसइमं अज्झयणं ॥
(144) जइ णं भंते । समणेणं • अट्ठारसमस्स नायज्झयणस्स अयमट्ठे पन्नत्ते एगूणवीस मस्स के अट्ठे पन्नत्ते ? एवं खलु जंबू ! तेणं कालेणं २ इहेब जंबुद्दीवे २ पुब्वविदेहे' सीयाए महानईए उत्तरिल्ले कूले नीलवंतस्स दाहिणेणं उत्तरिल्लस्स सीयामुहवणसंडस्स पञ्चत्थिमेणं एगसेलगस्स वक्खारपव्वयस्स पुरत्थिमेणं एत्थ णं पुक्खलावई नामं विजए पन्नत्ते । तत्थ णं पुंडरिगिणी नामं रायहाणी पन्नत्ता नवजोयणवित्थिण्णा दुवालसजोयणायामा जाव पश्चक्खं देवलोगभूया पासाईया दरसणीया अभिरूवा पडिरूवा । तीसे णं पुंडरिगिणीए नयरीएं उत्तरपुरत्थिमे दिसीभाए नलिणिवणे नामं उज्जाणे होत्था । तत्थ णं पुंडरिगिणीए रायहाणीए महापउमे नामं राया होत्था । तस्स णं पउमावई नामं देवी होत्था । तस्स णं महापउमस्स रन्नो पुत्ता पउमावईए देवीए अत्तया दुवे कुमारा होत्था तं जहा - पुंडरीए य कंडेरीए य सुकुमालपाणिपाया० । पुंडरीए जुवराया । तेणं कालेणं २ थेरींगमणं महापउमे राया निग्गए धम्मं सोचा पुंडरीयं रज्जे ठवेत्ता पव्वइए पुंडरीए राया जाए कंडरीए जुवराया । महापउमे अणगारे चोहसपुव्वाइं अहिज्जइ । तए णं थेरा बहिया जणवयविहारं विहरंति । तए णं से महापउमे बहूणि वासाणि जाव सिद्धे ।
215
(145) तए णं थेरा अन्नया कयाइ पुणरवि पुंडरिगिणीए रायहाणीए नलिणवणे उज्जाणे समोसढा । पुंडरीए राया निग्गए | कंडरीए महाजणसद्दं सोचा जहा महाबलो जाव पज्जुवासइ । थेरा धम्मं परिकर्हेति पुंडरीए समणोवासए जाए जाव पडिगए । तए णं कंडरीए उट्ठाए उट्ठेइ २ जाव से जहेयं तुब्भे वयह जं नवरं पुंडरीयं रायं आपुच्छामि तए णं जाव पव्वयामि । अहासुहं देवाणुप्पिया । तए णं से कंडरीए जाव थेरे बंदर नमसइ २ थेराणं अंतियाओ पडिनिक्खमइ २ तमेव चाउग्घंट आसरहं दुरूहइ नाव पश्च्चोरुहइ जेणेव पुंडरीए राया तेणेव उवागच्छइ करयल जाव पुंडरीयं रायं एवं वयासी एवं खलु मए थेराणं अंतिए धम्म निसंते से धम्मे अभिरुइए । तए णं जाव पव्वइत्तए । तए ण से
-