Nayadhamma Kahao

Author(s): N V Vaidya
Publisher: N V Vaidya

Page 217

210
नायाधम्मकहाओ XVIII.141. ते पंच चोरसए विपुलेणं धूवपुप्फगंधमल्लालंकारेणं सकारेइ सम्माणेइ २ एवं वयासी-एवं खलु देवाणुप्पिया! रायगिहे नयरे धणे नामं सत्थवाहे अड्डे० । तस्स णं धूया भदाए अत्तया पंचण्डं पुत्ताणं अणुमग्गजाइया सुसुमा नाम दारिया होत्था अहीणा जाव सुरूवा । तं गच्छामो णं देवाणुप्पिया! धणस्स सत्थवाहस्स गिहं विलुपामो । तुभं विपुले धणकणग जाव सिलप्पवाले ममं सुंसुमा दारिया । तए णं ते पंच चोरसया चिलायस्स पडिसुणेति । तए णं से चिलाए चोरसेणावई तेहिं पंचहिं चोरसएहिं सद्धिं अल्लचम्मं दुरूहइ २ पञ्चावरणहकालसमयसि पंचहिं चोरसएहिं सद्धिं सन्नद्ध जाव गहियाउहपहरणा माइयगोमुहिफलएहिं निकिट्ठाहिं असिलट्ठीहिं अंसंगएहिं तोणेहिं सज्जीवहिं धणूहिं समुक्खित्तेहिं सरोहिं समुालियाहिं दीहाहिं ओसारियाहिं उरुघंटियाहिं छिप्पंतूरेहिं वजमाणेहिं महया २ उक्किट्ठसीहनाय जाव समुद्दरवभूयं पिव करेमाणां सीहगुहाओ चोरपल्लीओ पडिनिक्खमंति २ जेणेव रायगिहे नयरे तेणेव उवागच्छंति २ रायगिहस्स अदूरसामंते एगं महं गैहणं अणुप्पविसंति २ दिवसं खवेमाणा चिट्ठति । तए णं से चिलाए चोरसेणावई अद्धरत्तकालसमयंसि निसंतपडिनिसंतंसि पंचहिं चोरसएहिं सद्धिं माइयगोमुहिएहिं फलएहिं जाव मूइयाहिं उरुघंटियाहिं जेणेव रायगिहे नयरे पुरथिमिल्ले दुवारे तेणेव उवागच्छइ उदगबत्थिं परामुसइ आयंते चोक्खे परमसुइभूए तालुग्घाडणिविजं आवाहेइ २ रायगिहस्स दुवारकवाडे उदएणं अच्छोडेइ २ कवाडं विहाडेइ २ रायगिहं अणुप्पविसइ २ महया २ सद्देणं उग्घोसेमाणे २ एवं वयासी - एवं खलु अहं देवाणुप्पिया ! चिलाए नामं चोरसेणावई पंचहिं चोरसएहिं सद्धिं सीहगुहाओ चोरपल्लीओ इहं हव्वमागए धणस्स सत्थवाहस्स गिहं घाउकामे । तं "जे णं नवियाए माउयाए दुद्धं पाउकामे से णं निगच्छउत्तिकटु जेणेव धणस्स सत्थवाहस्स गिहे तेणेव उवागच्छइ २ धणस्स गिहं विहाडेइ । तए णं से धणे चिलाएणं चोरसेणावइणा पंचहिं चोरसएहिं सद्धिं गिहं घाइजमाणं पासइ २ भीए तत्थे ४ पंचहिं पुत्तेहिं सद्धिं एगंतं अवक्कमइ ।