Nayadhamma Kahao

Author(s): N V Vaidya
Publisher: N V Vaidya

Page 211

204
नायाधम्मकहाओ XVII.138अन्नाणि बहूणि सोयंदियपाउग्गाणि य दव्वाणि समुदीरेमाणा ठति तेसिं च परिपेरंतेणं पासे ठवेंति निच्चला निप्फंदा तुसिणीया चिट्ठति । जत्थ जत्थ ते आसा आसयंति वा जाव तुयटृति वा तत्थ तत्थ णं ते कोडुंबिया बहूणि किण्हाणि य कट्टकम्माणि य जाव संघाइमाणि य अन्नाणि य बहूणि चक्खिदियपाउग्गाणि य दव्वाणि ठवेंति तेसिं परिपरंतेणं पासए ठवेंति २ निचला निप्फंदा तुसिणीया चिट्ठति । जत्थ जत्थ ते आसा आसयंति तत्थ तत्थ ते णं तेसिं बहृणं कोहपुडाण य अन्नोसं च घाणिंदियपाउग्गाणं दव्वाणं पुंजे य नियरे य करेंति २ तेसिं परिपेरंते तत्थ तत्थ चिट्ठति । जत्थ जत्थ गं ते आसा आसयंति ४ तत्थ तत्थ गुलस्स जाव अन्नसिं च बहूणं जिभिदियपाउग्गाणं दव्वाणं पुंजे य नियरे य करेंति २ वियरए खणंति २ गुलपाणगस्स खंडपाणगस्स पौरपाणगस्स अन्नेसिं च बहूणं पाणगाणं वियरए भरेंति २ तेसिं परिपेरंतेणं पासए ठवेंति जाव चिट्ठति । जहिं जाहिं च णं ते आसा तहिं तहिं च ते बहवे कोयवया जाव सिलावया अन्नाणि य फासिंदियपाउग्गाई अत्थुयपञ्चत्थुयाई ठवेंति २ तेसिं परिपेरतेणं जाव चिट्ठति । तए णं ते आसा जेणेव ते उक्किट्ठा सद्दफरिसरसरूवगंधा तेणेव उवागच्छंति । तत्थ णं अत्थेगइया आसा अपुव्वा णं इमे सहफरिसरसरूवगंधा तिकटु तेसु उकिटेसु सद्दफरिसरसरूवगंधेसु अमुच्छिया ४ तेसिं उक्किट्ठाणं सद्द जाव गंधाणं दूरंदरेणं अवक्कमंति २ ते णं तत्थ पउरगोर्यरा पउरतणपाणिया निब्भया निरुव्विग्गा सुहंसुहेणं विहरंति । एवामेव समणाउसो ! जो अम्हं निग्गंथो वा निग्गंथी वा सदफरिस जाव नो सज्जइ से णं इहलोए चेव बहूणं समणाणं ४ अञ्चणिजे जाव वीईवइस्सइ ।
(138) तत्थ णं अत्थेगइया आसा जेणेव उक्किट्ठा सहफरिसरसरूवगंधा तेणेव उवागच्छंति २ तेसु उक्किटेसु सहेसु ५ मुच्छिया जाव अझोववन्ना आसेविउ पयत्ता यावि होत्था। तए णं ते आसा ते उकिडे सद्दे ५ आसेवमाणा तेहिं बहूहिं कूडेहि य पासेहि य गलएसु य पाएसु य बझंति । तए णं ते कोडुबिया ते आसे गिण्हति २ एगट्ठियाहिं