Logassasutra Swadhyay

Author(s): Amrutlal Kalidas Doshi
Publisher: Shrutratnakar Ahmedabad

Page 112

ટિપ્પણ
णिदिरअत्ताण गमणंतरसं खुहियहिययमुच्छिरसुद्धचे यणसुपुण्णसिढिलियसगत्तआउंचणं पसण्णो उम्मेसनिमेसाइसारीरियवावारमुक्ककेवलं अणोवलक्खक्खलंतमंदमंददीहहुं हुंकारविमिस्समुक्कदीहउण्हबहलीनीसासगत्तेणं अइअभिनिविट्ठबुद्धी सुणिच्छियमणस्स णं जगस्स, 'किं पुण तं तवमणुचिट्ठेमो जेणेरिसं पवरिद्धि लभिज्ज त्ति, ' तग्गयमणस्स णं दंसणा चेव णियणियवच्छत्थलनिहिज्जंतंतकरयलुप्पाइयमहंतमाणसचमक्कारे ।
ता गोयमा ! णं एवमाइ अनंतगुणगणाहिट्ठियसरीराणं तेसिं सुगहियनामधेज्जाणं अरहंताणं भगवंताणं धम्मतित्थगराणं संतिए गुणगणोहरयणसंघाए अहन्निसाणुसमयं जीहासहस्सेणं पि वागरंतो सुरवई वि अन्नयरे वा ई चउनाणी महाइसई य छउमत्थे सयंभुरमणोयहिस्स इव वासकोडीहिं पि णो पारं गच्छेज्जा, जओ णं अपरिमयगुणरयणे गोयमा ! अरहंते भगवंते धम्मतित्थगरे भवंति, ता किमेत्थ भन्नउ ?, जत्थ य णं तिलोगनाहाणं जगगुरूणं भुवणेक्कबंधूणं तेलोक्कतग्गुणखंभपवरधम्मतित्थंकराणं केई सुरिंदाईपायंगुटुग्गदेसाउ
गुणगणालंकारयाउ भत्तिभरनिब्भरिक्करसियाणं सव्वेसि पि वा पुरीसाणं अणेगभवंतसंचियअणिट्ठदुट्टकम्मरासिजणियदोगच्चदोमणस्सादिसयलदुक्खदारिद्दकिले सजम्मजरामरणरोगसंतावुव्वे यवाहिवे यणाईण खयट्ठाए एगगुणस्साणंत भागमेगं भणमाणाणं जमगसमगमेव दिणयरकरे इव अणेगगुणगणोहे जीहग्गे विप्फुरंति ताइं च न सक्का सिंदा वि देवगणा समकालं भणिऊणं, किं पुण अकेवली मंसचक्खुणो ? ता गोयमा ! णं एस इत्थं परमत्थे वियाणेयव्वो, जहा णं जइ तित्थगराणं संतिए गुणगणोहे तित्थयरे चेव वायरंति, ण उण अन्ने, जओ णं सातिसया तेसिं भारती ।
अहवा गोयमा ? किमित्थ पभूयवागरणेणं ?, सारत्थं भन्नए । तं जहा—
णामं पसलकम्मट्ठमलकलंकेहिं विप्पमुक्काणं । तियसिंदच्चियचलणाण जिणवरिंदाण जो सरइ ॥ तिविहकरणोवउत्तो खणे खणे सीलसंजमुज्जुत्तो । अविराहियवयनियमो सोऽवि हु अइरेण सिज्झेज्जा | जो पुण दुहउव्विग्गो सुहतण्हालू अलि व्व कमलवणे । थयथुइमंगलजयसद्दवावडो रुणरुणे किंचि ॥ भत्तिभरनिब्भरो जिणवरिंदपायारविंदजुगपुरओ । भूभीनिट्ठवियसिरो कयंजलीवावडो चरितबूढो || एकं पि गुणं हि धरेज्ज संकाइसुद्धसम्मत्तो । अक्खंडियवयनियमो तित्थयरत्ताए सो सिझे ||
जेसिं च णं सुगहियनामग्गहणाणं तित्थयराणं गोयमा ! एस जगपायडे महच्छेरयभूए भुवणस्स वियडपायडे महंताइसए पवियंभे, तं जहा—
खीणठ्ठपायकम्मा मुक्का बहुदुक्खगब्भवसहीणं । पुणरवि अपत्तकेवलमणपज्जवणाणचरिमतणू ॥ महजोइणो विविहदुक्खमयरभवसागरस्स उव्विगा । दट्ठूणऽरहाइसए भवहुत्तमणा खणं जंति ॥
अहवा चिट्ठ ताव सेसवागरणं गोयमा ! एवं चेव धम्मतित्थगरेति नाम सन्निहियं पवरक्खरुव्वहणं तेसिमेव सुगहियनामधेज्जाणं भुवणेक्कबंधूणं अरहंताणं भगवंताणं जिणवरिंदाणं धम्मतित्थंकराणं छज्जे, ण अन्नेसिं, जओ य गजम्मंतरपुट्टमोहोवसमसंवेगनिव्वेयाणुकंपा अत्थितामिवती सलकखणपवरसम्मद्दंसणुल्लसंतविरियाणिगूहियउग्गकट्टघोरदुक्करतवनिरंतरज्जियउत्तुंगपुन्नखंधसमुदयमहपब्भारसंविढत्तउत्तमपवरपवित्तविस्सकसिणबंधुणाहसामिसाल अनंतकाल
૪૯
वत्तभवभावर्णाच्छन्नपावबंधणेक्क अबिइज्जतित्थयरनामकम्मगोयणिसियसुकंतादित्तचारुरूवदसदिसिपयासनिरुवमट्ठ
लक्खणसहस्समंडियजगुत्तमुत्तमसिरीनिवासवासवावी इव देवमणुयदिट्ठमेत्ततक्खणंतकरणलाइयचमक्कनयणमाण
साउलमहंतविम्हयपमोयकारया असेसकसिणपावकम्ममलकलंकविप्पमुक्कसमचउरंसपवरपढमवज्जरिसहनारायसंघयणाहिट्ठियपरमपवित्तुत्तममुत्तिधरे, ते चेव भगवंते महायसे महासत्ते महाणुभागे परमेट्ठी सद्धम्मतित्थंकरे भवंति ।
अण्णं च
सयलनरामरतियसिंदसुन्दरीरूवकंतिलावण्णं । सव्वं पि होज्ज जइ एगरासिण संपिंडियं कहवि ॥ तं च जिणचलणंगुट्ठग्गकोडिदेसेगलक्खभागस्स । संनिज्झम्मि न सोहइ जह सारउडं कंचणगिरिस्स ॥