Book Title: Kappasuttam Author(s): Walther Schubring Publisher: Jivraj Chellabhai Doshi View full book textPage 9
________________ पढमो उद्देसओ. १३. कप्पइ निग्गन्थाणं आवणगिहंसि वा जाव अन्तरावणंसि वा वत्थए. १४. नो कप्पइ निग्गन्थीणं अवयदुवारिए उवस्मए वत्थए. एगं पत्थारं अन्तो किच्चा एगं पत्थारं बाहिं किया ओहाडियचिलिमिलियागंसि एव ण्हं कप्पइ वत्थए. १५. कप्पइ निग्गन्थाणं अवयदुवारिए उवस्सए वस्थए. १६. कप्पइ निग्गन्थीणं अन्तोलित्तयं घडिमत्तयं धारेत्तए वा परिहरित्तए वा. १७. नो कप्पइ निग्गन्थाणं अन्तोलित्तयं घडिमत्तयं धारेत्तए वा परिहरित्तए वा. १८. कप्पइ निग्गन्थाण वा निग्गन्थीण वा चेलचिलिमिणीयं धारेत्तए वा परिहरित्तए वा. १९. नो कप्पइ निग्गन्थाण वा निग्गन्थीण वा दगतीरंसि चिट्ठित्तए वा निसीइत्तए वा तुयद्वित्तए वा निदाइत्तए वा पयलाइत्तए वा, असणं वा पाणं वा खाइमं वा साइमं वा आहारमाहारेत्तए, उच्चारं वा पासवणं वा खेलं वा सिङ्घाणं वा परिट्ठवेत्तए, सज्झायं वा करेत्तए, झाणं वा झाइत्तए काउस्सग्गं वा ठाणं वा महत्तए. २०. नो कप्पइ निग्गन्थाण वा निग्गन्थीण वा सचितकम्मे उवस्सए वत्थए.Page Navigation
1 ... 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58
