________________
कप्पमुत्तं. २. जाव अङ्गमगहाओ एत्तए, दक्खिणेणं जाव कोसम्बी
ओ एत्तए, पञ्चत्थिमेणं जाव थूणाविसयाओ एत्तए, उत्तरेणं जाव कुणालाविसयाओ एत्तए. एयावयाव कप्पइ, एयावयाव आरिए खत्ते; नो से कप्पइ एत्तो बाहिं. तेण परं, जत्थ नाणदंसणचरित्ताई उस्सप्पन्ति-त्ति बेमि.
कप्पे पढमो उद्देसओ समत्तो.
.. बिइओ उद्देसओ. १. उवस्सयस्स अन्तो वगडाए सालीणि वा वीहीणि वा मुग्गाणि वा मासाणि वा तिलाणि वा कुलस्थाणि वा गोहूमाणि वा जवाणि वा जवजवाणि वा.
ओखिण्णाणि वा विक्खिण्णाणि वा विइगिण्णाणि वा विप्पइण्णाणि वा, नो कप्पइ निग्गन्थाण वा निग्गन्थीण वा अहालन्दमवि वत्थए.
२. अह पुण एवं जाणेज्जा-नो ओखिण्णाइं नो विक्खिण्णाइं नो विइगिण्णाई नो विप्पइण्णाई, रासिकडाणि वा पुञ्जकडाणि वा भित्तिकडाणि वा कुलियकडाणि वा लञ्छियाणि वा मुदियाणि वा पिहियाणि वा, कप्पइ निग्गन्थाण वा निग्गन्धीण वा हेमन्तगिम्हासु वत्थए. ३. अह पुण एवं जाणेज्जा-नो रासिकडाई नो
