________________
कष्पसुतं २.
याज्जा, नो कप्पइ निग्गन्थाण वा निग्गन्थीण वा अहालन्दमवि वत्थए . हुरत्था य उवस्सयं पडिलेहमाणे नो लभेज्जा, एवं से कप्पइ एगरायं वा दुरायं वा वत्थए, नो से कप्पइ परं एगरायाओ वा दुरायाओ वा वत्थए. जे तत्थ एगरायाओ वा दुरायाओ वा परं वसेज्जा, से सन्तरा छेए वा परिहारे वा.
७. उवस्सस्स अन्तो वगडाए सव्वराइए पईवे दिपेज्जा, नो कप्पइ निग्गन्थाण वा निग्गन्थीण वा अहालन्दमवि वत्थए. हुरत्था य उवस्सयं पडिलेहमाणे नो लज्जा, एवं से कपड़ एगरायं वा दुरायं वा वत्थए, नो से कप्पइ परं एगरायाओ वा दुरायाओ वा वत्थएजे तत्थ एगयाओ वा दुरायाओ वा परं वसेज्जा, से सन्तरा छेए वा परिहारे वा.
८. उवस्सयस्स अन्तो वगडाए पिण्डए वा लोयए वा खीरं वा दहिं वा सपिं वा नवणीए वा तेल्ले वा फाणियं वा पूवे वा सक्कली वा सिहिरिणी वा ओखिण्णाणि वा विक्खिणाणि वा विइगिण्णाणि वा विप्पइण्णाणि वा, नो कप्पइ निग्गन्थाण वा निग्गन्थीण वा अहालन्दमवि वत्थए.
९. अह पुण एवं जाणेज्जा - नो ओखिष्णाई ४ रासिकडाणि वा पुञ्जकडाणि वा भित्तिकडाणि वा कुलियकडाणि वा लञ्छियाणि वा मुद्दियाणि वा पिहियाणि वा, कप्पs निग्गन्थाण वा निग्गन्थीण वा हेमन्तगिम्हासु वत्थए.
