________________
चउत्थो उद्देसओ. खेलजलसिङ्घाणविगिञ्चणं वा विसोहणं वा करेत्तए. अह पुण एवं जाणेज्जा-छिन्नावाएसु पन्थेसु तवस्सी दुबले किलन्ते मुच्छेज्ज वा पवडेज्ज वा, एवं से कप्पइ असणं वा ४ दाउं अगुप्पदाउं वा. २७. नो कप्पइ निग्गन्थाण वा निग्गन्थीण वा इमाओ पञ्च महानईओ उद्दिट्ठाओ गणियाओ वञ्जियाओ अन्तो मासस्स दुक्खुत्तो वा तिक्खुत्तो वा उत्तरित्तए वा संतरित्तए वा, तंजहा-गङ्गा जउणा सरयू कोसिया मही. अह पुण एवं जाणेज्जा-एरवई कुणालाए-जत्थ चकिया एगं पायं जले किच्चा एगं पायं थले किच्चा, एवं से कप्पइ अन्तो मासस्स दुक्खुत्तो वा तिक्खुत्तो वा उत्तरित्तए वा संतरित्तए वा. जत्थ नो एवं चकिया, एवं से नो कप्पइ अन्तो मासस्स दुक्खुत्तो वा तिखुत्तो वा उत्तरित्तए वा संतरित्तए वा. २८. से तणेसु वा तणपुञ्जेसु वा पलालेसु वा पलालपुलेसु वा अप्पण्डेसु अप्पपाणेसु अप्पबीएसु अप्पहरिएसु अप्पोस्सेसु अप्पुत्तिङ्गपणगदगमट्टियामकडासंताएसु अहेसवणमायाए नो कप्पइ निग्गन्थाण वा निगन्थीण वा तहप्पगारे उवस्सए हेमन्तगिम्हासु वत्थए. २९. से तणेसु वा जाव संतागएसु, उप्पिंसवणमायाए कप्पइ निगन्थाण वा निग्गन्थीण वा तहप
