Jain Shasanna Jyotirdharo Part 01

Author(s): Purnachandrasuri
Publisher: Panchprasthan Punyasmruti Prakashan

Page 10

Ov©
૧
ક્ષમાની ક્ષિતિજ
જન્મ અને મૃત્યુ, દિવસ અને રાત, પુરુષ અને પડછાયો, સુખ અને દુઃખ, સંયોગ અને વિયોગ-જેવી જોડલીઓ તો માણસ ખૂબ ખૂબ વિચાર કરે, ત્યારે એની આંખ સામે ખડી થાય! પણ રાજકુમાર-સ્કંદક અને પુરંદરયશાની જોડલી એવી તો અતૂટ હતી કે, શ્રાવસ્તીના તમામ માણસોની સામે એ દિન-રાત તરવરતી જ રહેતી.
સ્કંદક અને પુરંદરયશા ભાઈ-બહેન હતાં. નાનપણથી જ એ સાથે રમતાં, જમતાં અને ભમતાં! પુરુષ જો પોતાના પડછાયાને મૂકીને દૂર જઈ શકે, તો આ ભાઈ-બહેન એકબીજાથી દૂર રહી શકે એવા પ્રેમપાશ એમને જકડી રહ્યા હતા. પ્રેમના પાશ કહેવાય છે તો પુષ્પ-પાંખડી જેવા પાતળા! પણ એને તોડતાં તોડતાં તો ઘણીવાર બહાદુરોનેય આસમાનના તારા દેખાઈ આવે છે આ સત્ય રાજવી જિતશત્રુ અને રાણી ધારિણી બરાબર સમજતાં હતાં. પોતાના સંતાન સ્કંદકપુરંદરયશા વચ્ચે અતૂટ હેત હોય, એમાં તો એઓ રાજી
જૈનશાસનના જ્યોતિર્ધરો ભાગ-૧
૧