Ashtmangal Aishwarya

Author(s): Jaysundarsuri, Saumyaratnavijay
Publisher: Jinshasan Aradhana Trust

Page 8

उत्पत्स्यते च मम • कोऽपि समानधर्मा
* અષ્ટમંગલનો પી.એચ.ડી. તુલ્ય થીસીસ તૈયાર કરવામાં જેમ જેમ ઊંડાણમાં જવાનું થયું, તેમ તેમ અષ્ટમંગલની મૌલિક જૈન પરંપરા, અમંગલનું શાશ્વતપણું, તેનો શાશ્વતસિદ્ધ ક્રમ, તેની ૮ કે ૬૪ની સંખ્યા, તેનું પૂજન નહિ પણ આલેખન, તેના વિસર્જનમાં દોષાભાવ વગેરે અનેક અવનવા પદાર્થો જાણમાં આવ્યા. એ સર્વ સ્વ-પર ધર્મશાસ્ત્રોની પ્રરૂપણાઓ તેમજ શિલ્પકલાના પ્રાચીન ષ્ટાંતો અષ્ટમંગલ માહાત્મ્ય (સર્વસંગ્રહ) નામના ગ્રંથમાં વિસ્તારથી જણાવેલ છે. જિજ્ઞાસુઓએ એકવાર તેનું અવગાહન અવશ્ય કરવું જોઈએ.
* યંત્રવિજ્ઞાન પ્રમાણે પ્રત્યેક આકાર એક યંત્ર છે, અને તેને તેની પોઝીટીવ કે નેગેટીવ ઊર્જા હોય છે, વાયબ્રેશન્સ હોય છે. અમંગલના શુભ માંગલિક આકારો ભરપૂર પોઝીટીવ ઊર્જાવાળા છે. સ્વસ્તિક વિષે તો આ સંદર્ભે ઘણું સંશોધન થયેલ છે, ગ્રંથો પણ લખાયા છે, તથા અનેકના અનુભવો પણ છે. અન્ય પણ સાતે’ય માંગલિક આકારો વિષે આવું સંશોઘન પ્રતીક્ષામાં છે. * આજે ઘણા જૈનો જમીન ચેકીંગ વગેરે જેવા ઊર્જા-ઓરા-રેકીવાયબ્રેશન્સની ફ્રીક્વન્સી માપવી વગેરે ફીલ્ડમાં છે. તેઓ આ બાબતે પ્રયત્ન કરી શકે. એ દ્વારા અષ્ટમંગલનો શાશ્વત ક્રમ આ જ પ્રમાણે કેમ-તેનું પણ રહસ્ય બહાર આવી શકે. અષ્ટમંગલની સૃષ્ટિના પાંચ તત્વ કે નવ ગ્રહો સાથેના અનુસંધાનની દિશામાં પણ વિચારણા થઈ શકે. જેમકે જળપૂર્ણ કળશ એ પૃથ્વીતત્વ અને જળતત્વનું પ્રતિનિધિત્વ કરે, 2ષ્મી મીનરાશિ ગુરુ ગ્રહની હોઈ મીનમંગલ અને ગુરુગ્રહના પારસ્પરિક સંબંઘની વિચારણા વગેરે... પ્રબુદ્ધ ચિંતકો અષ્ટમંગલની, ૮ કર્મ-૮ યોગના અંગ કે ૮ યોગિ વગેરે અષ્ટ સંખ્યાત્મક પદાર્થો સાથે તુલનાત્મક, અનુસંઘાનાત્મક ચિંતવણા કરી નૂતન ઉત્પ્રેક્ષાઓ શ્રીસંઘમાં રજૂ કરી શકે.
* કવિત્વશક્તિ સંપન્ન પુણ્યાત્માઓ અષ્ટમંગલ વિષયક સ્તુતિ વગેરે નૂતન રચનાઓ કરી શકે.