________________
બહેનો માથે કળશ (ઘડા-બેડા) લઈને ગુરુ ભગવંતની સામે દર્શન કરાવવા આવે છે તે પણ આસ્વરૂપનું જ મંગલવિધાન છે. શુભ મંગલ માટે દરેકની શ્રદ્ધાની માત્રા પણ અલગ અલગ હોય છે, તેમજ મંગલની રુચિ પણ દરેકની ભિન્ન ભિન્ન હોય છે. ભગવાનના કે પોતાના ઈષ્ટદેવ-દેવીનું દર્શન-વંદન કરીને, કે પછી તેમનો મંત્રજાપ કરીને જ કાર્ય શરૂ કરનારા પણ આપણી આસપાસમાં જ જોવા મળશે. આમ પણ, આજે વ્યક્તિ અનેક પ્રકારના અપમંગલોથી ઘેરાયેલો છે. ક્યારેક આર્થિક વિટંબણા તો ક્યારેક શારીરિક, માનસિક આધિ-વ્યાધિ-ઉપાધિ-અશાંતિ-અસમાધિ અને સિંકલેશના નિમિત્તો ડગલે ને પગલે જીવને હેરાન-પરેશાન કરી મૂકે છે. ક્યારેક અચાનક અણધારી આપત્તિથી માણસ મૂંઝાય છે અને મુરઝાય છે. આ પરિસ્થિતિમાં વ્યક્તિ અતીન્દ્રીય સહાયને ઈચ્છે છે. અપમંગલને દૂર કરે એવા મંગલના શરણે
જવા ઈચ્છે છે, જાય છે. અ-૨ મંગલ એટલે ???
મંગલ શબ્દનો સીધો સાદો અર્થ છે, જેનાથી આપણું કલ્યાણ થાય તે મંગલ. મંગલ એટલે શુભ, પવિત્ર, પાપરહિત, વિદનવિનાશક વસ્તુ કે વ્યક્તિ. જે વિઘ્નોનો નાશ કરે તે મંગલ. જે ચિત્તને પ્રસન્ન કરે તે મંગલ. જે ઈચ્છિત કાર્યસિદ્ધિકરાવે તે મંગલ. જે સુખની-પુણ્યની પરંપરાનો વિસ્તાર કરે તે મંગલ. જે જીવનમાં ધર્મને ખેંચી લાવે તે મંગલ. જે જીવને સંસારથી છૂટકારો અપાવે તે મંગલ અને જેના વડે પૂજા થાય તે પણ મંગલ.
