Anusandhan 1999 00 SrNo 14

Author(s): Shilchandrasuri
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 87

82
इय जंपिरेसु तेसुं पयंपए आउपाल नरनाहो । जह दंसणमोहेण वि सयलमिणं साहियमहेसि ॥१२३।। इय जारिसया वाया दिज्जते ओलया वि तारिसया । इय सयललोय-पयडं वयणं धरिऊ ण हियएसु ॥१२४॥ नरयाउपालय-प्पमुहाणमसायाइणो महासुहडा । जिणह विवक्खं मिलिउं गंतुं नरयाइ-पुहईसु ॥१२५।। लोहेण केइ केइ वि भएण संमाणिउं पुणो के वि। तह कुणह जह न तुब्भे कुटुंबिणोऽन्नत्थ वच्चंति ॥१२६।। अह तस्स निवइणो इममाएसं घेत्तु उत्तिमंगेणं । मिलिउं सव्वे वि हु ते निय-निय-नयरीसु वच्च॑ति ।।१२७|| ते वि हु असायप्पमुहा सुहडा किल आउनिवइ-भाउसुया ।
वेयणियाइ-निवार्णं जेण इमे होंति अंगरुहा ।।१२८।। तहाहि -
वेयणिय-निवस्स पिया अणुभूई तीए दोन्नि अंगरुहा । साय-असायऽभिहाणा परिणइ नामा उ नामपिया ॥१२९।। तेसिं उ सुभासुभ सद्द-रूव-रस-गंध-फासया तणया । गोय-पियाए उप्पत्तीए दो उच्चनीयसुया ॥१३०॥ वेयणियाईहिं य ते समप्पिया आउपाल-नरवइणो। तेण वि निय-पुत्ताण कया सहाया इमे सव्वे ॥१३१।। अस्साय-नीय-गोयासुहनाम-प्पमुह-सुहड-परियरिओ। नरयाउपाल-निवई रयणाइसु नियय-नयरीसु ॥१३२॥ आउट्ठिईए चित्तं निच्चं पि करेइ तस्स लोगस्स । हडिपक्खेव सरिच्छा जमिमा अच्चंत दुल्लंघा ॥१३३।।
किंच -
रयणाए जहन्नेण वि वाससहस्साइं दस ठिई विहिया । उक्कोसओ उ सागरमेगं तव्वासिलोगस्स ॥१३४।। तिन्नेव सागराइं उक्कोसेणं जहन्नओ एगें। विहिया ठिई निवइणा तेणं सक्करपहपुरीए ॥१३५।।