Anangpavittha Suttani Padhamo Suyakhandho

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 460

- पण्णवणासुत्तं प० 11 451 वणी णं एसा भासा, ण एसा भासा मोसा ? हंता गोयमा ! इत्थिवयणं का पुमवयणं वा णपुंसगवयणं वा वयमाणे पण्णवणी णं एसा भासा, ण एसा भासा मोसा // 385 // भासा में भंते ! किमाइया, किंपवहा, किसंठिया, किंपजवसिया ! गोयमा! भासा णं जीवाइया, सरीरप्पहवा, वजसंठिया, लोगंतपज्जवसिया पण्णत्ता / भासा कओ य पभवइ ! कहहि व समएहि भासई भासं ? भासा कइप्पगारा ? कइ वा भासा अणुमया उ 1 // सरीरप्पहवा भासा, दोहि य समएहिं भासई भासं। भासा च उप्पगारा, दोण्णि य भासा अणुमया उ // 386 // कइविहा णं भंते ! भासा पण्णत्ता ? गोयमा ! दुविहा भासा पण्णत्ता। तंजहा-पजत्तिया य अपजत्तिया य / पजत्तिया णं भंते ! भासा कइविहा पण्णत्ता ? गोयमा ! दुविहा पण्णत्ता / तंजहासच्चा मोसा य // 387 // सच्चा णं भंते ! भासा पजत्तिया कइविहा पण्णत्ता ? गोयमा ! दसविहा पण्णत्ता। तंजहा-जणवयसच्चा १,सम्मयसच्चा २,ठवणसच्चा 3, णामसच्चा 4, रूवसच्चा 5, पडुच्चसच्चा 6, ववहारसच्चा 7, भावसच्चा 8, जोगसच्चा 9, ओवम्मसच्चा 10 / “जणवय 1 संमय 2 ठवणा 3 णामे 4 रूवे 5 पडुच्चसच्चे 6 य / क्वहार 7 भाव 8 जोगे 9 दसमे ओवम्मसच्चे य 10" / / 388 // मोसा णं भंते ! भासा पज्जत्तिया कइविहा पण्णत्ता ? गोयमा! दसविहा पण्णत्ता। तंजहा-कोहणि स्सिया 1, माणणिस्सिया 2, मायाणिस्सिया 3, लोहणिस्सिया 4, पेजणिस्सिया 5, दोसणिस्सिया 6, हासणिस्सिया 7, भयणिस्सिया 8, अक्खाइयाणिस्सिया 9, उवघाइयणिस्सिया 10 / 'कोहे माणे माया लोभे पेजे तहेव दोसे य / हास भए अक्खाइयउवघाइयणिस्सिया दसमा" // 389 / अपजत्तिया णं भंते ! कइविहा भासा पण्णत्ता ? गोयमा! दुविहा पण्णत्ता। तंजहा-सच्चामोसा असच्चामोसा य / सच्चामोसा | भंते ! भासा अपजत्तिया कइविहा पण्णत्ता ? गोयमा ! दसविहा पण्णत्ता। तंजहा-उप्पण्णमिस्सिया 1, विगयमिस्सिया 2, उप्पण्णविगयमिस्सिया 3, जीवमिस्सिया 4, अजीवमिस्सिया 5, जीवाजीवमिस्सिया 6, अणंतमिस्सिया 7, परित्तमिस्सिया 8, अद्धामिस्सिया 9, अद्धद्धामिस्सिया 10 // 390 // असच्चामोसा णं भंते ! भासा अपजत्तिया कइविहा पण्णत्ता ? गोयमा ! दुवालसविहा पण्णत्ता / तंजहा-आमंतणि 1, आणमणी 2, जायणि 3, तह पुच्छणी य 4, पण्णवणी 5 / पच्चक्खाणी भासा 6, भासा इच्छाणुलोमा 7 य // अणभिग्गहिया भासा 8, भासा य अभिग्गहमि बोद्धव्वा 9 / संसयकरणी भासा 10, वोयड 11,