Anangpavittha Suttani Padhamo Suyakhandho

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 580

पग्णवणासुत्तं प० 28 उ. 2 571 भंते ! किं आहारए अणाहारए ! गोयमा ! णो आहारए, अणाहारए / जीवा णं भंते ! कि आहारया अणाहारया ? गोयमा ! आहारया वि अणाहारया वि / णेरइयाणं पुच्छा / गोयमा ! सव्वे वि ताव होजा आहारया 1, अहवा आहारगा य अणाहारए य 2, अहवा आहारगा य अणाहारगा य 3, एवं जाव वेमाणिया, णवरं एगिदिया जहा जीवा / सिद्धाणं पुच्छा। गोयमा ! णो भाहारगा, अणाहारगा // दारं 1 // भवसिद्धिए णं भंते ! जीवे किं आहारए अणाहारए ? गोयमा ! सिय आहारए, सिय अणाहारए, एवं जाब वेमाणिए / भवसिद्धिया णं भंते ! जीवा कि आहारगा अणाहारगा ? गोयमा ! जीवेगिदियवजो तियभंगो, अभवसिद्धिए वि एवं चेव / णोभवसिद्धिएणोअभवसिद्धिए ण भंते ! जीवे कि आहारए अणाहारए ? गोयमा ! णो आहारए, अणाहारए, एवं सिद्धे वि / णोभवसिद्धियणोअभवसिद्धिया णं भंते ! जीवा किं आहारगा अणाहारगा ! गोयमा ! णो आहारगा, अणाहारगा, एवं सिद्धा वि // दारं 2 // सण्णी णं भंते ! जीवे किं आहारए अणाहारए ? गोयमा ! सिय आहारए, सिय अणाहारए, एवं जाव वेमागिए, णवरं एगिदियविगलिंदिया णो पुच्छिजंति / सण्णी णं भंते ! जीवा किं आहारगा अणाहारगा ? गोयमा ! जीवाईओ तियभंगो जाव वेमाणिया। असण्णी णं भंते ! ज.वे किं आहारए अणाहारए ? गोयमा ! सिय आहारए, सिय अणाहारए, एवं णेरइए जाव वाणमंतरे / जोइसियवेमाणिया ण पुच्छिति / असण्णी णं भंते ! जीवा किं आहा. रगा अणाहारगा ! गोयमा ! आहारगा वि अणाहारगा वि, एगो भंगो। असण्णी णं भंते ! णेरड्या किं आहारया अणाहारया ? गोयमा ! आहारगा वा 1, अणाहारगा वा 2, अहवा आहारए य अणाहारए य 3, अहवा आहारए य अणाहारया य 4, अहवा आहारगा य अणाहारए य 5, अहवा आहारगा य अणाहारगा य 6, एवं एए छब्भंगा, एवं जाव थणियकुमारा / एगिदिएसु अभंगयं, बेइंदिय जाव पंचिंदियतिरिक्खजोणिएसु तियभंगो, मणूसवाणमंतरेसु छन्भंगा। णोसण्णीणोअसण्णी णं भंते ! जीवे किं आहारए अणाहारए ? गोयमा ! सिय आहारए, सिय अणाहारए य, एवं मणूसे वि / सिद्धे अणाहारए, पुहुत्तेणं णोसण्णीणोअसण्णी जीवा आहारगा वि अणाहारगा वि, मणूसेसु तियभंगो, सिद्धा अणाहारगा ॥दारं 3 // 650 // सलेसे ण भंते ! जीवे कि आहारए अणाहारए ? गोयमा ! सिय आहारए, सिय अणाहारए, एवं जाव वेमाणिए / सलेसा णं भंते ! जीवा किं आहारगा अणाहारगा ?