Anangpavittha Suttani Padhamo Suyakhandho

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 606

पण्णवणासुतं प० 36 567 ओरालियसरीरकायजोगं पि जुंजइ, ओरालियमीसासरीरकायजोगं पि जुजइ, णो वेउब्वियसरीरकायजोग०, णो वेउव्वियमीसासरीरकायजोगं०, णो आहारगसरीरकायनोगं०,णो आहारगमीसासरीरकायजोग०, कम्मगसरीरकायजोगं पि जुंजह, पदमट्ठमेसु समएसु ओरालियसरीरकायजोगं जुजह, बिइयछट्ठसत्तमेसु समएसु ओरालियमीसासरीरकायजोगं जुंजइ, तइयचउत्थपंचमेसु समएसु कम्मगसरीरकायनोगं जुंजह // 712 // से णं भंते ! तहा समुग्धायगए सिज्झइ बुज्झइ मुच्चई परिणिव्वाइ सव्वदुक्खाणं अंतं करेइ ! गोयमा ! णो इणढे समढे / से णं तओ पडिणियत्तइ पडि. णियत्तित्ता तओ पच्छा मणजोगं पि जुंजई, वइजोगं पि जुंजइ, कायजोगं पि जुजइ। मणजोगं जुंजमाणे किं सच्चमणजोगं जुंजइ, मोसमणजोगं जुंजइ, सच्चामोसमणजोगं जुंजइ, असच्चामोसमणजोगं जुंजइ ? गोयमा ! सच्चमणजोगं०, णो मोसमणजोगं०, णो सच्चामोसमणजोगं जुंजइ, असच्चामोसमणजोगं पि जुंजह / वइजोगं जुंजमाणे किं मच्चवइजोगं जुंजइ, मोसवइजोगं जुजइ, सच्चामोसवइजोग०, असच्चामोसवइजोगं जुंजइ ? गोयमा ! सच्चवइजोग०, णो मोसवइजोगं०, णो सच्चामोसवइजोगं०, असच्चामोसवइजोगं पि जुंजह / कायजोगं जुंजमाणे आगच्छेज वा गच्छेन वा चिट्टेज वा णिसीएज वा तुयट्टेज वा उलंघेज वा, पलंघेज वा, पाडिहारियं पीटफलगसेजासंथारगं पच्चप्पिणेजा // 713 // से णं भंते ! तहा सजोगी सिज्झइ नाव अंत करेइ ? गोयमा ! जो इणढे समठे। से णं पुवामेव सण्णिस्स पंचिं दियपजत्तयस्स जहण्णजोगिस्स हेट्टा असंखेजगुणपरिहीणं पढमं मगजोगं णिरुंभइ, तो अगंतरं बेइंदियपजत्तगस्स जहण्णजोगिस्स हेट्ठा असंखेजगुणपरिहीणं दोच्चं वहजोगं णिरुंभइ, तओ अणंतरं च णं सुहुमस्स पणगजीवस्स अपजत्तयस्स जहण्णजोगिस्स हेट्ठा असंखेजगुणपरिहीणं तच्चं कायजोगं णिरुंभइ, से णं एएण उवाएणंपढम मणजोगं णिरुंभइ, मणजोगं णिमित्ता वइजोगं णिरुंभइ, वइजोगं णिरुंभित्ता कायजोगं णिरुंभइ, कायजोगं णिरुंभित्ता जोगणिरोहं करेइ, जोगणिरोहं करेत्ता अजोगत्तं पाउणइ, अजोगत्तं पाउणित्ता ईसिं हस्सपंचवखरुच्चारण द्धाए असंखेजसमइयं अंतोमुहत्तियं सेलेसिं पडिवजइ, पुव्वरइयगुणसेढीयं च णं कम्म, तीसे सेलेसिमद्धाए असंखेजाहिं गुणसेढीहिं असंखेजे कम्मखधे खवयइ, खवइत्ता वेयणिजाउणामगोत्ते इच्चेए चत्तारि कम्मंसे जुगवं खवेद, जुगवं खवेत्ता ओरालियतेयाकम्मगाई सव्वाहिं विप्पजहणाहिं विप्पजहइ, विप्पज हित्ता उज्जुसेढीपडिवण्णो अफुसमाणगईए एग