Anangpavittha Suttani Padhamo Suyakhandho

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 532

पण्णवणासुत्तं प० 21 523 कप्पे; तिरिच्छियाणं जहण्णेणं भवणवासीसु, उक्कोसेणं सहस्सारे कप्पे; आजीवियाणं जहण्णेणं भवणवासीसु, उक्कोसेणं अच्चुए कप्पे; एवं आभिओगाण वि सलिंगीणं दंसणवावण्णगाणं जहण्णेणं भवणवासीसु, उक्कोसेणं उवरिमगेवेजएसु // 567|| कइ. विहे णं भंते ! असण्णिआउए पण्णत्ते ? गोयमा! चउविहे असण्णिआउए पण्णत्ते / तंजहा-णेरइयअसण्णिआउए जाव देवअसण्णिआउए / असण्णी णं भंते ! जीवे किं णेरइयाउयं पकरेइ जाव देवाउयं पकरेइ ? गोयमा ! णेरइयाउयं पकरेइ जाव देवाउयं पकरेइ / णेरइयाउं पकरेमाणे जहणेणं दस वाससहस्साई, उक्कोसेणं पलिओवमस्स असंखेजइभागं पकरेइ / तिरिक्खजोणियाउयं पकरेमाणे जहण्णणं अंतोमुहत्तं, उक्कोसेणं पलिओवमस्स असंखेजइभागं पकरेइ / एवं मणुस्साउयं पि / देवाउयं जहा णेरइयाउयं / एयस्स णं भंते ! णेरइयअसण्णिआउयस्स जाव देवअसण्णिआउयस्स कयरे कयरेहितो अप्पा वा 4 1 गोयमा ! सव्वत्थोवे देवअसण्णिआउए, मणूमअसण्णिआउए असंखेजगुणे, तिरिक्खजोणियअसण्णिआउए असंखेनगुणे, गेरइयअसण्णिआउए असंखेजगुणे / / 568 // पण्णवणाए भगवईए वीसइमं अंतकिरियापयं समत्तं // - एगवीसइमं ओगाहणासंठाणपयं विहिसंठाणपमाणे पोग्गलचिणणा सरीरसंजोगो / दव्यपएसऽप्पबहुं सरीरोगाहणऽप्पबहुं / कइ णं भंते ! सरीरया पण्णात्ता ? गोयमा ! पंच सरीरया पण्णत्ता। तंजहा-ओरालिए 1, वेउविए 2, आहारए 3, तेयए 4, कम्मए 5 / ओरालिय. सरीरे णं भंते ! कइविहे पण्णत्ते 1 गोयमा! पंचविहे पण्णत्ते / तंजहा-एगिदियओरालियसरीरे जाव पंचिंदियओरालियसरीरे / एगिदियओरालियसरीरे णं भंते ! कइविहे पण्णत्ते ! गोयमा ! पंचविहे पण्णत्ते / तंजहा-पुढविकाइयएगिदियओरालियसरीरे जाव वणष्फइकाइयएगिदियओरालियसरीरे / पुढविकाइयएगिदियओरालियसरीरे णं भंते ! कइविहे पण्णत्ते ? गोयमा ! दुविहे पण्णत्ते / तंजहा-सुहमपुढविकाइयएगिदियओरालियसरीरे य बायरपुढविकाइयएगिदियओरालियसरीरे य / सुहुमपुढविकाइयएगिंदियओरालियसरीरे णं भंते ! कइविहे पण्णत्ते 1 गोयमा ! दुविहे पण्णत्ते / तंजहा-पजत्तगसुहुमपुढविकाइयएगिदियओरालियसरीरे य अपज