Anangpavittha Suttani Padhamo Suyakhandho

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 577

568 अनंगपविट्ठसुत्ताणि काइया // 645 // बेइंदिया णं भंते ! आहारट्ठी ! हंता ! आहारट्ठी / बेइंदिया णं भंते ! केवइकालस्स आहारटे समुप्पजह ? जहा णेरइयाणं, णवरं तत्थ णं जे से आभोगणिव्वत्तिए से णं असंखिजसमइए अंतोमुहुत्तिए वेमायाए आहारट्टे समुप्पजइ, सेसं जहा पुढविकाइयाणं जाव आहच्च णीससंति, गवरं णियमा छद्दिसिं / बेइंदियाणं भंते ! जे पोग्गले आहारत्ताए गिण्हंति ते णं तेसिं पुग्गलाणं सेयालंसि कहभागं आहारेति कहभागं आसाएंति ? एवं जहा णेरइयाणं / वेइंदिया णं भंते ! जे पोग्गला आहारत्ताए गिण्हंति ते किं सव्वे आहारति, णो सव्वे आहारेति ? गोयमा ! बेइं. दियाणं दुविहे आहारे पण्णत्ते / तंजहा-लोमाहारे य पंक्खेवाहारे य, जे पोग्गले लोमाहारत्ताए गेण्हंति ते सव्वे अपरिसेसे आहारेंति, जे पोग्गले पक्खेवाहारत्ताए गेण्हंति तेसिमसंखेजइभागमाहारेति, अणेगाइं च णं भागसहस्साई अफासाइजमाणाणं अणासाइजमाणाणं विद्धंसमागच्छति / एएसि णं भंते! पोग्गलाणं अणासाइजमाणाणं अफासाइजमाणाण य कयरे कयरेहितो अप्पा वा 41 गोयमा ! सव्वत्थोवा पोग्गला अणासाइजमाणा, अफासाइजमाणा अणंतगुणा / बेइंदिया णं भंते ! जे पोग्गला आहारत्ताए-पुच्छा / गोयमा ! जिन्भिदियफासिंदियवेमायत्ताए तेसिं भुजो भुजो परिणमंति / एवं जाव चउरिंदिया, णवरं गाइं च णं भागसहस्साई अणाघाइजमाणाई अणासाइजमाणाई अफासाइजमाणाई विद्धंसमागच्छंति / एएसि णं भंते ! पोग्गलाणं अणाघाइजमाणाणं अणासाइजमाणाणं अफासाइजमाणाण य कयरे कयरेहिंतो अप्पा वा 4 1 गोयमा ! सव्वत्थीवा पोग्गला अणाघाइजमाणा, अणासाइजमाणा अणंतगुणा, अफासाइजमाणा अणंतगुणा // 646 // तेइंदिया णं भंते ! जे पोग्गला-पुच्छा / गोयमा ! ते णं पोग्गला घाणिदियजिभिदियफासिदियवेमायत्ताए तेसिं भुजो भुजो परिणमंति / चउरिंदियाणं चक्खिदियघाणिदियजिभिदियफासिंदियवेमायत्ताए तेसिं भुजो भुजो परिणमंति, सेसं जहा तेइंदियाणं / पंचिंदियतिरिक्खजोणियाणं जहा तेइंदियाणं, णवरं तत्थ णं जे से आभोगणिव्वत्तिए से जहण्णेणं अंतोमुहत्तस्स, उकोसेणं छहभत्तस्स आहारटे समुप्पजह / पंचिंदियतिरि खजोणिया णं भंते ! जे पोग्गला आहारत्ताए-पुच्छा / गोयमा ! सोइंदियचक्खिदियघाणिदियजिभिदियफासिंदियवेमायत्ताए तेसिं भुजो भुजो परिणमंति / मणूसा एवं चेव, णवरं आभोगणिव्वत्तिए जहण्णेणं अंतोमुहुत्तस्स, उक्कोसेणं अट्ठमभत्तस्स आहारट्टे समुप्पजइ / वाणमंतरा जहा णागकुमारा, एवं जोइसिया वि णवरं आभोगगिब्वत्तिए जहण्णेणं दिवसपृहुत्तस्स, उक्कोसेणं दिवसपुहुत्तस्स आहारट्टे समुप्पजइ,