Anangpavittha Suttani Padhamo Suyakhandho

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 570

पण्णवणासुत्तं प. 24 561 लेसे वा णाणी वा अण्णाणी वा उक्कोससंकिलिट्ठपरिणामे वा असंकिलिट्ठपरिणामे वा तप्पाउग्गविसुज्झमाणपरिणामे वा, एरिसए णं गोयमा ! मणूसे उक्कोसकालहिइयं आउयं कम्मं बंधइ / केरिसिया णं भंते ! मणुस्सी उक्कोसकालट्टिइयं आउयं कम्म बंधइ ? गोयमा ! कम्मभूमिया वा कम्मभूमगपलिभागी वा जाव सुत्तोवउत्ता सम्मदिट्ठी सुक्कलेसा तप्पाउग्गविसुज्झमाणपरिणामा, एरिसिया णं गोयमा ! मणूसी उक्कोसकालहियं आउयं कम्मं बंधह, अंतराइयं नहा णाणावरणिजं // 633 // / / पण्णवणाए भगवईए तेवीसइमं कम्मपगडीपयं समत्तं / / . चउवीसइमं कम्मबंधपयं कइ णं भंते ! कम्मपगडीओ पण्णत्ताओ ? गोयमा! अट्ठ कम्मपगडीओ पण्णत्ताओ / तंजहा–णाणावरणिनं जाव अंतराइयं / एवं णेरइयाणं जाव वेमाणियाणं / जीवे णं भंते ! णाणावरणिजं कम्मं बंधमाणे कइ कम्मपगडीओ बंधइ ? गोयमा ! सत्तविहबंधए वा अट्ठविहबंधए वा छविहबंधए वा / णेरइए णं भंते ! णाणावरणि कम्मं बंधमाणे कइ कम्मपगडीओ बंधइ ? गोयमा ! सत्तविहबंधए वा अट्ठ. विहबंधए वा, एवं जाव वेमाणिए, णवरं मणुस्से जहा जीवे। जीवा णं भंते ! णाणावरणिज कम्मं बंधमाणा कइ कम्मपगडीओ बंधंति ? गोयमा ! सव्वे वि ताव होजा सत्तविहबंधगा य अट्टविहबंधगा य, अहवा. सत्तविहबंधगा य अट्टविहबंधगा य छविहबंधए य, अहवा सत्तविहबंधगा य अट्ठविहबंधगा य छव्विहबंधगा य / णेरइया णं भंते ! णाणावरणिजं कम्मं बंधमाणा कइ कम्मपगडीओ बंधंति ! गोयमा! सव्वे वि ताव होजा सत्तविहबंधगा, अहवा सत्तविहबंधगा य अट्ठविहबंधए य, अहवा सत्तविहबंधगा य अट्ठविहबंधगा य तिण्णि भंगा, एवं जाव थणियकुमारा / पुढविकाइया णं पुच्छा / गोयमा ! सत्तविहबंधगा वि अट्ठविहबंधगा वि, एवं जाव वणस्सइकाइया। विगलाणं पंचिंदियतिरिक्खजोणियाणं तियभंगो-सव्वे वि ताव होजा सत्तविहबंधगा, अहवा सत्तविहबंधगा य अट्ठविहबंधए य, अहवा सत्तविह. बंधगा य अट्ठविहबंधगा य / मणूसा णं भंते ! णाणावरणिजस्स पुच्छा / गोयमा ! सव्वे वि ताव होजा सत्तविहबंधगा 1, अहवा सत्तविहबंधगा य अहविहबंधए य 2, अहवा सत्तविहबंधगा य अट्ठविहबंधगा य 3, अहवा सत्तविहबंधगा य छविहबंधए य 4, अहवा सत्तविहबंधगा य छन्विहबंधगा य 5, अहवा सत्तविहबंधगा य