Anangpavittha Suttani Padhamo Suyakhandho

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 559

550 अनंगपविट्ठसुत्ताणि गोयमा ! दुविहे पण्णत्ते / तंजहा-सायावेयणिजे य असायावेयणिजे य। सायाबेयणिजे णं भंते ! कम्मे पुच्छा / गोयमा ! अहविहे पण्णत्ते। तंजहा-मणुण्णा सद्दा जाव कायसुहया। असायावेयणिजे णं भंते! कम्मे कइविहे पण्णत्ते ? गोयमा ! अहविहे पण्णत्ते / तंजहा-अमणुण्णा सद्दा जाव कायदुहया // 612 // मोहणिजे णं भंते ! कम्मे कइविहे पण्णत्ते ! गोयमा ! दुविहे पण्णत्ते / तंजहा-दंसणमोहणिजे. य चरित्तमोहणिजे य / दंसणमोहणिजे णं भंते ! कम्मे कइविहे पणत्ते ? गोयमा! तिविहे पण्णत्ते / तंजहा-सम्मत्तवेयणिजे, मिच्छत्तवेयणिजे, सम्मामिच्छत्तवेयणिजे / चरित्तमोहणिजे णं भंते ! कम्मे कइविहे पण्णत्ते ? गोयमा ! दुविहे पण्णत्ते / तंजहाकसायवेयणिजे य, णोकसायवेयणिजे य / कसायव्यणिजे णं भंते ! कम्मे कइविहे पण्णत्ते ! गोयमा ! सोलसविहे पण्णत्ते / तंजहा-अणंताणुबंधी कोहे, अणंताणुबंधी माणे, अणंताणुबंधी माया, अणंताणुबंधी लोभे, अपच्चक्खाणे कोहे, एवं माणे, माया, लोभे, पच्चक्खाणावरणे कोहे, एवं माणे, माया, लोभे, संजलणकोहे, एवं माणे. माया, लोभे / णोकसायवेयणिजे णं भंते ! कम्मे कइविहे पण्णत्ते ? गोयमा ! णवविहे पण्णत्ते / तंजहा-इत्थीवेयवेयणिजे, पुरिसवेयवेयणिजे, णपुंसगवेयवेयणिजे, हासे, रई, अरई, भए, सोगे, दुगुंछा // 613 // आउए णं भंते ! कम्मे कइविहे पण्णत्ते ? गोयमा! चउबिहे पण्णत्ते / तंजहा-णेरइयाउए जाव देवाउए // 614 // णामे णं भंते ! कम्मे कइविहे पण्णत्ते ? गोयमा! बायालीसइविहे पण्णत्ते / तंजहागइणामे 1, जाइणामे 2, सरीरणामे 3, सरीरोवंगणामे 4, सरीरबंधणणामे 5, सरीरसंघायणामे 6, संघयणणामे 7, संठाणणामे 8, वण्णणामे 9, गंधणामे 10, रसणामे 11, फासणामे 12, अगुरुलहुयणामे 13, उवघायणामे 14, पराघायणामे 15, आणुपुग्विणामे 16, उस्सासणामे 17, आयवणामे 18, उजोयणामे 19, विहायगइणामे 20, तसणामे 21, थावरणामे 22, सुहुमणामे 23, बायरणामे 24, पजत्तणामे 25, अपजत्तणामे 26, साहारणसरीरणामे 27, पत्तेयसरीरणामे 28, थिरणामे 29, अथिरणामे 30, सुभणामे 31, असुभणामे 32, सुभगणामे 33, दुभगणामे 34, सूसरणामे 35, दूसरणामे 36, आदेजणामे 37, अणादेजणाम 38, जसोकित्तिणामे 39, अजसोकित्तिणामे 40, णिम्माणणामे 41, तित्थगरणामे 42 / गइणामे णं भंते ! कम्मे कइविहे पण्णत्ते ! गोयमा! चउविहे पण्णत्ते / तंजहा-णिरयगइणामे, तिरियगइणामे, मणुयगइणामे, देवगइणामे / जाइ