Anangpavittha Suttani Padhamo Suyakhandho

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 507

468 अनंगपविट्ठसुत्ताणि . जीवा कण्हलेसा, सव्वमहड्डिया सुक्कलेसा // 497|| एए सि णं भंते ! णेरइयाणं कण्हलेसाणं णीललेसाणं काउलेसाण य कयरे कयरेहितो अप्पहिया वा महडिया वा ! गोयमा ! कण्हलेसेहिंतो णीललेसा महड्डिया, णीललेसेहिंतो काउलेसा महड्डिया, सन्वप्पट्टिया णेरइया कण्हलेसा, सव्वमहड्डिया जेरइया काउलेसा // 498 // एएसि णं भंते ! तिरिक्खजोणियाणं कण्हलेसाणं जाव सुक्कलेसाण य कयरे कयरेहितो अप्पड्डिया वा महड्डिया वा ? गोयमा ! जहा जीवाणं / एएसि णं भंते ! एगिदियतिरिक्खजोणियाणं कण्हलेसाणं जाव तेउलेसाण य कयरे कयरेहितो अप्पड्डिया वा महड्डिया वा ! गोयमा! कण्हलेसेहितो एगिदियतिरिक्खजोणिएहितो णीललेसा महड्डिया, णीललेसेहितो तिरिक्खजोमिएहिंतो काउलेसा महड्डिया, काउलेसेहितो तेउलेसा महड्डिया, सव्वप्पड्डिया एंगेदियतिरिक्खजोणिया कण्हलेसा, सव्वमहड्डिया तेउलेसा / एवं पुढविकाइयाण वि / एवं एएणं अभिलावेण जहेव लेस्साओ भावि. याओ तहेव णेयव्वं जाव चउरिंदिया / पंचेदियतिरिक्खजोणियाणं तिरिक्खजोणिणीणं समुच्छिमाणं गम्भवक्कंतियाण य सव्वेसिं भाणियव्वं जाव अप्पड्डिया वेमाणिया देवा तेउलेसा, सव्वमहडिया वेमाणिया सुक्कलेसा / केई भणंति-घउवीसं दंडएणं इड्डी भाणियव्वा // 499|| पण्णवणाए भगवईए सत्तरसमे लेस्सापए बीओ उद्देसओ समत्तो॥ लेस्सापए तइओ उद्देसओ णेरइए णं भंते ! णेरइएसु उववजइ, अणेरइए णेरइएसु उववजइ ! गोयमा ! णेरइए णेरइएसु उववजइ, णो अणैरइए णेरइएसु उववजइ, एवं जाव वेमाणियाणं / णेरइए णं भंते ! णेरइएहिंतो उववट्टइ, अणेरइए णेरइएहिंतो उववट्टइ ? गोयमा! अणेरइए णेरइएहितो उववट्टइ, णो णेरइए णेरइएहितो उववट्टइ / एवं जाव वेमाणिए, णवरं जोइसियवेमाणिएसु 'चयणंति अभिलावो कायव्वो // 500 // से णूणं भंते ! कण्हलेसे णेरइए कण्हलेसेसु णेरइएसु उववजइ, कण्हलेसे उववट्टइ, जलेसे उववजह तल्लेसे उववट्टइ ? हंता गोयमा ! कण्हलेसे णेरहए कण्हलेसेसु णेरइएसु उववजइ, कण्हलेसे उववट्टइ, जल्लेसे उववजइ तल्लेसे उववट्टइ, एवं णीललेसे वि, एवं काउलेसे वि / एवं असुरकुमाराण वि जाव थणियकुमारा, णवरं तेउलेसा अन्भ