Book Title: Anangpavittha Suttani Padhamo Suyakhandho
Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
View full book text
________________ 460 अनंगपविट्ठसुत्ताणि गो सव्वे समवण्णा' / एवं जहेव वण्णेण भणिया तहेव लेसासु विसुद्धलेसतरागा अविसुद्धलेसतरागा य भाणियव्वा // 477|| णेरइया णं भंते ! सव्वे समवेयणा ? गोयमा ! णो इणढे समढे / से केणटेणं भंते ! एवं वुच्चइ–णेरइया णो सव्वे समवेयणा' ? गोयमा ! णेरइया दुविहा पण्णत्ता / तंजहा-सण्णिभूया य असण्णिभूया य / तत्थ णं जे ते सण्णिभूया ते णं महावेयणतरागा, तत्थ णं जे ते असण्णिभूया ते णं अप्पवेयणतरागा, से तेणट्टेणं गोयमा ! एवं वुच्चइ-'णेरइया णो सव्वे समवेयणा' // 478 / / णेरइया णं भंते ! सव्वे समकिरिया ? गोयमा ! णो इणढे समझे। से केणटेणं भंते ! एवं वुच्चइ-'णेरइया णो सव्वे समकिरिया' 1 गोयमा ! णेरइया तिविहा पण्णत्ता / तंजहा–सम्मट्ठिी, मिच्छट्ठिी, सम्मामिच्छद्दिट्ठी। तत्थ णं जे ते सम्मद्दिट्ठी तेसि णं चत्तारि किरियाओ कजंति, तंजहा-आरंभिया, परिग्गहिया, मायावत्तिया, अपच्चक्खाणकिरिया। तत्थ णं जे ते मिच्छद्दिट्ठी जे सम्मामिच्छद्दिट्टी तेसिणं णियइयाओ पंच किरियाओ कजंति, तंजहा-आरंभिया, परिग्गहिया, मायावत्तिया, अपच्चक्खाणकिरिया, मिच्छादसणवत्तिया, से तेणटेणं गोयमा!एवं वुच्चइ'णेरइया णो सव्वे समकिरिया // 479 // णेरइया णं भंते ! सव्वे समाउया, सव्वे समोववण्णगा ? गोयमा ! णो इणढे समढे / से केण?णं भंते ! एवं वुच्चइ० ? गोयमा! गेरइया चउन्विहा पण्णत्ता। तंजहा-अत्थेगइया समाउया समोववण्णगा, अत्थेगइया समाउया विसमोववण्णगा, अत्येगइया विसमाउया समोववण्णगा, अत्ये. गइया विसमाउया विसमोववण्णगा, से तेण?णं गोयमा ! एवं वुच्चइ-'णेरइया णो सव्वे समाउया, णो सव्वे समोववण्णगा' // 480 // असुरकुमारा णं भंते ! सव्वे समाहारा ? एवं सव्वे वि पुच्छा / गोयमा ! णो इणढे समढे / से केपट्टेणं भंते ! एवं वुच्चइ० 1 जहा णेरइया / असुरकुमारा णं भंते ! सव्वे समकम्मा ? गोयमा ! णो इणढे समढे / से केणटेणं भंते ! एवं वुच्चइ० 1 गोयमा ! असुरकुमारा दुविहा पण्णत्ता / तंजहा–पुब्वोववण्णगा य पच्छोववण्णगा य / तत्थ णं जे ते पुव्वोववण्णगा ते णं महाकम्मतरा, तत्थ णं जे ते पच्छोववण्णगा ते णं अप्पकम्मतरा, से तेणटेणं गोयमा! एवं वुच्चइ-'असुरकुमारा णो सव्वे समकम्मा'। एवं वण्णलेस्साए पुच्छा। तत्थ णं जे ते पुव्वोववण्णगा ते णं अविसुद्धवण्णतरागा, तत्थ णं जे ते पच्छोववण्णगा ते णं विसुद्धवण्णतरागा, से तेणटेणं गोयमा! एवं वुच्चइ-'असुरकुमारा णं सव्वे णो समवण्णा' / एवं लेस्साए वि, वेयणाए जहा णेरइया, अवसेसं जहा
Page Navigation
1 ... 497 498 499 500 501 502 503 504 505 506 507 508 509 510 511 512 513 514 515 516 517 518 519 520 521 522 523 524 525 526 527 528 529 530 531 532 533 534 535 536 537 538 539 540 541 542 543 544 545 546 547 548 549 550 551 552 553 554 555 556 557 558 559 560 561 562 563 564 565 566 567 568 569 570 571 572 573 574 575 576 577 578 579 580 581 582 583 584 585 586 587 588 589 590 591 592 593 594 595 596 597 598 599 600 601 602 603 604 605 606 607 608