Agam 25 Prakirnak 02 Atur Pratyakhyan Sutra

Author(s): Veerbhadra Gani, Kirtiyashsuri
Publisher: Sanmarg Prakashan

Page 367

परिशिष्टम्-३ लहु-आउरपञ्चक्खाणं (१) [गा. १-५ पंचमंगलसुमरणपुव्वं पाववोसिरणं] अरहंता मंगलं मज्झ, अरहंता मज्झ देवया । अरहंते कित्तइत्ताणं वोसिरामि त्ति पावगं ।।१।। सिद्धा य मंगलं मज्झ, सिद्धा य मज्झ देवया । सिद्धे य कित्तइत्ताणं वोसिरामि त्ति पावगं ।।२।। आयरिया मंगलं मज्झ, आयरिया मज्झ देवया । आयरिए कित्तइत्ताणं वोसिरामि त्ति पावगं ।।३।। उज्झाया मंगलं मज्झ, उज्झाया मज्झ देवया । उज्झाए कित्तइत्ताणं वोसिरामि त्ति पावगं ।।४।। साहवो मंगलं मज्झ, साहवो मज्झ देवया । साहवो कित्तइत्ताणं वोसिरामि त्ति पावगं ।।५।।
[गा. ६-८ अरहंताईणं खामणा] अरहंत-सिद्ध-पवयण-आयरिए गणहरे महिड्ढीए । जं आसाइया तिविहेणं खामेमो सव्वभावेणं ।।६।। साहूण साहुणीण य सावय-सावीण चउविहो संघो । जं मण-वय-काएहिं आसाइय तं पि खामेमि ।।७।। खामेमि सव्वे जीवे, सव्वे जीवा खमंतु मे । मित्ती मे सव्वभूएसु, वेरं ममं न केणइ ।।८।।
[गा. ९ उत्तमट्ठाराहणा] नमो समणस्स भगवओ महइ-महावीर-वद्धमाणसामिस्स । उत्तिमढे गयमणो पञ्चक्खामि त्ति पावगं ।।९।।
[सु. १०, अट्ठारसपावट्ठाणवोसिरणं] सव्वं पाणाइवायं १ सव्वं मुसावायं २ सव्वं अदिन्नादाणं ३ सव्वं मेहुणं ४ सव्वं परिग्गहं ५ सव्वं