Agam 25 Prakirnak 02 Atur Pratyakhyan Sutra

Author(s): Veerbhadra Gani, Kirtiyashsuri
Publisher: Sanmarg Prakashan

Page 373

परिशिष्टम्-५
पूर्वाचार्यमहर्षिकृतं
त्रिषष्टिध्यानकथानककुलकम् । नमिऊण महावीरं, वुच्छं तेवट्ठिअसुहझाणाणं । आहरणसंगहमिणं, सुमरणहेउं गुरुवएसा ।। १ ।। अन्नाणंझाणंमी, दिलुतो असगडपियपुव्वभवो । अणायारझाणंमी, वल्लरझाणी य कुंकणउ ।। २ ।। कुदंसणंमि सोरठ-सावयदेवो पवण्णमिच्छत्तो । कोहे पालगसासग-नालीयमाई उदाहरणा ।। ३ ।। माणंमी उ बाहुबली, विस्सभूई य संगमो देवो । मायाए धणसिरिया, भाउज्जायं परिक्खंती ।। ४ ।। लोहंमि सिंहकेसर-साहू चेडगनिहाणविह[वणिअ]मित्तो । रागंमी विक्कमजसो, विण्हुसिरीए य देवरइ ।। ५ ।। दोसंमि पिप्पलादो-महुदेवो चेव नाविओ नंदो । मोहमि उ बलदेवो, कण्हसरीरं परिवहंतो ।। ६ ।। इच्छाए कविलरिसी, मिच्छंमि जमालिपमुहआहरणा । मुच्छाए कणगझओ, नियसुयदेहाणुवगयरो ।। ७ ।। संकाए अव्वत्ता-साढाओ एवमित्थुदाहरणा । कंखाए उ मिरीई [मरीई], कविला इत्थंपिइ भणंतो ।। ८ ।। गेहिमि महुरमंगू-आयरिया पुण हवंति आहरणं । पुरनिद्धमणे जक्खो, जे जाया जिब्भदोसेणं ।। ९ ।। आसाए मूलदेवो, बंभणपाहेयआससजुत्तो । तण्हाइ गालदाहो, छुहाइ दमगो सिलापाई ।। १० ।। पंथोऽप्पकालगम्मो, पोयणमग्गंमि वक्कलञ्चीरी । पंथाणो य महंतो, महिंदसिंहो तहिंनेओ ।। ११ ।।