Agam 25 Prakirnak 02 Atur Pratyakhyan Sutra

Author(s): Veerbhadra Gani, Kirtiyashsuri
Publisher: Sanmarg Prakashan

Page 372

परिशिष्टम्-४ लहु-आउरपच्चक्खाणं
३३१
एसो (? एवं) सुहपरिणामो चाणक्को पयहिऊण नियदेहं । उववन्नो सुरलोए, पच्चक्खायं मए सव्वं ।।२३।। जाव न मुंचामि लहुं पाणेहिं एत्थ जाव संदेहो । ताव इमं जिणवयणं सरामि सोमं मणं काउं ।।२४।। तम्हा पुरिसेण सया अप्पहियं चेव होइ कायव्वं ।
मरणम्मि समावन्ने संपइ सुमरामि अरहंते ।।२५।। [गा. २६-३४. अरहंताइसुमरण-पावट्ठाणपच्चक्खाण-मिच्छादुक्कडाइयं]
नमो अरहंताणं, सिद्धाण नमो य सुहसमिद्धाणं ।
आयरिउवझायाणं नमो, नमो सव्वसाहूणं ।।२६।। हिंसा-ऽलिय-चोरिक्के मेहुण्ण परिग्गहे य निसिभत्ते । पच्चक्खामि य मरणे विविहं आहार-पाणाणं ।।२७।। परमत्थो तं न सरिमो संथारो नेय फासुया भूमी । हिययं जस्स विसुद्धं तस्सेव य होइ संथारो ।।२८ ।। एक्को जायइ जीवो, मरई उप्पज्जए तहा एक्को । संसारे भमइ एक्को, एक्को च्चिय पावई सिद्धिं ।।२९।। नाणम्मि दंसणम्मि य तहा चरित्तम्मि सासओ अप्पा । अवसेसा दुब्भावा वोसिरिया ते मए सव्वे ।।३०।। जे मे जाणंति जिणा अवराहा तेसु तेसु ठाणेसु । ते हं आलोएमि उवट्ठिओ सव्वभावेणं ।।३१।। छउमत्थो मूढमणो केत्तियमेतं च संभरइ जीवो । जं न वि सुमरेमि अहं मिच्छा मिह दुक्कडं तस्स ।।३२। जइ मे होज्ज पमाओ इमस्स देहस्सिमाए रयणीए । आहारं उवहिं देहं पुब्विं दुच्चिन्नाणि य ।।३३।।
....पुट्विं दुच्चिन्नाणि य । अपच्छिमम्मि ऊसासे सव्वं तिविहेण वोसिरामि ।।३४ ।।
।। आउरपच्चक्खाणं समत्तं ।।३।।