Book Title: Agam 10 Prashna Vyakraan Gujarati Translation
Author(s): Dipratnasagar, Deepratnasagar
Publisher: Dipratnasagar, Deepratnasagar
View full book text
________________ આગમસૂત્ર 10, અંગસૂત્ર 10, પ્રશ્નવ્યાકરણ નકામા બેઠા છે, ભરણ-પોષણ યોગ્ય છે, કામ કરે. આ સઘન વન, ખેતર, ખિલભૂમિ, વલ્લર, ઊગેલા ઘાસ-તુસ; આ બધાંને બાળી નાંખો, કાપી નાંખો, ઉખેડી દો. યંત્ર, ભાંડ, ઉપધિ માટે તથા વિવિધ પ્રયોજનથી વૃક્ષો કપાવો, શેરડી તલને પીલાવો, મારા ઘર માટે ઇંટો પકાવો, ખેતર ખેડો કે ખેડાવો, જલદી ગામ-આકર-નગર-ખેડ-કર્બટ વસાવો. અટવી પ્રદેશમાં વિપુલ સીમાવાળા ગામ વસાવો. પુષ્પ-ફળ-કંદ-મૂલ જે કાલપ્રાપ્ત હોય તેને ગ્રહણ કરો, પરિજનો માટે સંચય કરો. શાલી-વ્રીહી-જવને કાપો, મસળો, સાફ કરો, જલદી કોઠારમાં નાંખો. નાના-મધ્યમ-મોટા નૌકાદળને નષ્ટ કરો, સેના પ્રયાણ કરે, યુદ્ધભૂમિમાં જાય, ઘોર યુદ્ધ કરે, ગાડી-નૌકાવાહન ચલાવો, ઉપનયન-ચોલક-વિવાહ-યજ્ઞ એ બધું અમુક દિવસ-કરણ-મુહૂર્ત-નક્ષત્ર-તિથિમાં કરો. આજે સ્નાન થાઓ, પ્રમોદ પૂર્વક વિપુલ માત્રામાં ખાદ્ય-પેય સહિત કૌતુક, વિહાવણક-શાંતિકર્મ કરો. સૂર્ય-ચંદ્ર ગ્રહણ અને અશુભ સ્વપ્નફળના નિવારણ કરવા માટે સ્નાન અને શાંતિકર્મ કરો. સ્વજન, પરિજન, નિજકના જીવિતની પરીક્ષાર્થે કૃત્રિમ-લોટ આદિથી બનેલ મસ્તકની ભેટ ચડાવો. વિવિધ ઔષધી, મદ્ય, માંસ, મિષ્ટાન્ન, અન્ન, પાન, માળા, લેપન, ઉબટન, દીપ, ધૂપ, પુષ્પ અને ફળથી પરિપૂર્ણ વિધિથી પશુના મસ્તકની બલિ આપો. વિવિધ હિંસા વડે ઉત્પાત, પ્રકૃતિવિકાર, દુઃસ્વપ્ન, અપશુકન, ક્રૂર ગ્રહપ્રકોપ, અમંગલ સૂચક અંગ ફૂરણાદિના ફળને નાશ કરવા પ્રાયશ્ચિત્ત કરો, વૃત્તિચ્છેદ કરો, કોઈને દાન ન આપો, તે મર્યો તે સારું થયું. તેને કાપી નાંખ્યો તે સારું થયું. તેના ટૂકડે ટૂકડા કર્યા તે સારું થયું. કોઈ પૂછે કે ન પૂછે તો પણ આવો આદેશ કે ઉપદેશ કરે છે અથવા મન-વચન-કાયાથી મિથ્યા આચરણ કરનારા અનાર્ય, અકુશલો મિથ્યામતનું ભાષણ કરે છે. એવા મિથ્યાવાદિઓ, અલિક-મિથ્યાધર્મમાં રત, અલિક કથામાં રમણ કરતા, બહુ પ્રકારે અસત્ય સેવીને સંતુષ્ટ થાય છે. સૂત્ર-૧૨ ઉક્ત અસત્યભાષણના ફળવિપાકથી અજાણ લોકો નરક અને તિર્યંચયોનિની વૃદ્ધિ કરે છે. જ્યાં મહાભયંકર, અવિશ્રામ, બહુ દુઃખોથી પરિપૂર્ણ અને દીર્ઘકાલિક વેદના ભોગવવી પડે છે. તે અસત્ય સાથે સારી રીતે જોડાયેલા ભયંકર અને દુર્ગતિને પ્રાપ્ત કરાવનારા અંધકાર રૂપ પુનર્ભવમાં ભટકે છે. તે પણ દુઃખે કરી અંત પામે તેવા, દુર્ગત, દુરંત, પરતંત્ર, અર્થ અને ભોગથી રહિત, સુખરહિત રહે છે. તેમાં ફાટેલ ચામડી, ભયાનક, બિભત્સ અને વિવર્ણ દેખાવ, કઠોર સ્પર્શ, રતિવિહિન, બેચેન, મલીન અને સારહીન શરીરવાળા, શોભાકાંતિથી રહિત હોય છે. અસ્પષ્ટ વિફલવાણી યુક્ત હોય છે. તેઓ સંસ્કાર અને સત્કાર રહિત, દુર્ગધયુક્ત, ચેતનારહિત, અભાગી, અકાંત, અનિષ્ટ સ્વરવાળા, હીન-ભિન્ન અવાજવાળા હોય છે, તેઓ વિહિંસ્ય(અન્ય દ્વારા વિશેષરૂપે સતાવવામાં આવેલા), જડ-બધિર-અંધ, મુંગા અને અમનોજ્ઞ-વિકૃત ઇન્દ્રિયવાળા, નીચ, નીચજનસેવી, લોક વડે ગહણીય, મૃત્ય-ચાકર થાય છે., અસદશ-અસમાન વિરુદ્ધ આચાર-વિચારવાળા લોકોના પ્રેષ્ય(આજ્ઞાપાલક) હોય છે. દુર્મેધા હોય છે. લોકવેદ-અધ્યાત્મશાસ્ત્ર-શ્રુતિ અર્થાત સિદ્ધાંતોના શ્રવણ તેમજ જ્ઞાનથી વર્જિત હોય છે, તેઓ ધર્મબુદ્ધિહીન થાય છે. અનુપશાંત અસત્યરૂપી અગ્નિથી બળતા તે મૃષાવાદિ, અપમાન, પીઠ પાછળ નીંદાતા, આક્ષેપ-ચાડીપરસ્પર ફૂટ આદિ સ્થિતિ, દોષારોપણ, ચાડી-ચુગલી, સ્નેહ સંબંધોનો ભંગ આદિ સ્થિતિ પ્રાપ્ત કર છે. તે ગુરુજનબંધુ-સ્વજન-મિત્રજનના તીક્ષ્ણ વચનોથી અનાદર પ્રાપ્ત હોય છે. અમનોરમ, હૃદય-મનને સંતાપદાયી, જીવના પર્યંત દુરુદ્ધર અભ્યાખ્યાન પ્રાપ્ત, અનિષ્ટ-તીક્ષ્ણ-કઠોર-મર્મવેધી વચનોથી તર્જના, ભત્રેના, ધિક્કારથી દીનમુખ અને ખિન્ન ચિત્તવાળા હોય છે. ખરાબ ભોજન-વસ્ત્ર-વસતીમાં ક્લેશ પામતા સુખ-શાંતિ વગરના, અત્યંતવિપુલ-સેંકડો દુઃખોની અગ્નિમાં બળે છે. આ અસત્ય વચનોનો આલોક-પરલોક સંબંધી ફલવિપાક છે મુનિ દીપરત્નસાગર કૃત “(પ્રશ્નવ્યાકરણ)” આગમસૂત્ર ભાવાનુવાદ Page 15
