Book Title: Agam 10 Prashna Vyakraan Gujarati Translation
Author(s): Dipratnasagar, Deepratnasagar
Publisher: Dipratnasagar, Deepratnasagar
View full book text
________________ આગમસૂત્ર 10, અંગસૂત્ર 10, પ્રશ્નવ્યાકરણ જિતેન્દ્રિય અને બ્રહ્મચર્યગુપ્ત થાય છે. 4. ચોથી ભાવના - પૂર્વ રમણ, પૂર્વે ક્રીડિત, પૂર્વ સગ્રંથ-ગ્રંથ-સંશ્રુત નું સ્મરણ ન કરવું. આવાહ-વિવાહચૂડા કર્મ, પર્વ તિથિઓમાં યજ્ઞમાં-ઉત્સવમાં શૃંગારના ગૃહ જેવી સુંદર વેશવાળી, હાવ-ભાવ-પ્રલલિત-વિક્ષેપવિલાસ આદિથી સુશોભિત અનુકૂળ પ્રેમિકા સાથે અનુભૂત શયન સંપ્રયોગ, ઋતુના ઉત્તમ સુખદ પુષ્પ-ગંધચંદન-સુગંધી, ઉત્તમ વાસ-ધૂપ, સુખદ સ્પર્શ, વસ્ત્ર, આભૂષણ ગુણોથી યુક્ત તથા રમણીય આતોદ્ય, ગેય, પ્રચૂર નટ, નર્તક, જલ્લ-મલ્લ-મૌષ્ટિક-વિડંબક-કથક-પ્લવક-લાશક-આખ્યાયક-લંખ-મંખ-તૂણઇલ-તુંબ-વીણિયતાલાચાર આ બંધી ક્રીડાઓ તથા ઘણાં મધુર સ્વર-ગીત-મનોહર સ્વર, બીજા પણ આવા પ્રકારના તપ-સંયમબ્રહ્મચર્યના ઘાતોપઘાત કરનારાને બ્રહ્મચર્યનું પાલન કરનાર શ્રમણે તેને જોવા-કહેવા કે સ્મરવા જોઈએ નહીં. આ પ્રમાણે પૂર્વરત-પૂર્વ ક્રિીડિત વિરતિ સમિતિ યોગથી ભાવિત અંતરાત્મા આરતમન, વિરત ગ્રામધર્મ, જિતેન્દ્રિય, બ્રહ્મચર્ય ગુપ્ત થાય છે. 5. પાંચમી ભાવના- પ્રણિત અને સ્નિગ્ધ ભોજનના ત્યાગી, સંયત સુસાધુ; દૂધ-દહીં-ઘી-માખણ-તેલગોળ-ખાંડ-મિસરી-મધુ-મધ-માંસ-ખજક-વિગઈ રહિત આહાર કરે. પણ દર્પકારક આહાર ન કરે. તે દિવસમાં ઘણીવાર કે દરરોજ આહાર ન કરે. શાક-દાળની અધિકતાવાળુ કે પ્રચૂર ભોજન ન કરે. સંયમયાત્રા થાય તેટલો જ આહાર કરે, જેનાથી મનોવિભ્રમ કે ધર્મથી ચુત ન થાય. આ રીતે પ્રણિત આહારની વિરતિરુપ સમિતિના યોગથી. ભાવિત અંતરાત્મા આરત મન, વિરત ગ્રામધર્મ, જિતેન્દ્રિય, બ્રહ્મચર્ય ગુપ્ત થાય. આ પ્રમાણે સંવરદ્વાર સમ્યક સંવરિત અને સુપ્રણિહિત થાય છે. આ પાંચ ભાવનાથી મન-વચન-કાયાથી પરિરક્ષિત નિત્ય આમરણાંત આ યોગનું ધૃતિમાનું, મતિમાન મુનિ પાલન કરે. આ સંવરદ્વાર અનાશ્રવ, અકલુષ, નિછિદ્ર, અપરિસાવી, અસંક્લિષ્ટ, શુદ્ધ, સર્વે જિન દ્વારા અનુજ્ઞાત છે. આ રીતે ચોથું સંવરદ્વાર સ્પર્શિત, પાલિત, શોધિત, તીરિત, કીર્તિત, આજ્ઞા વડે અનુપાલિત થાય છે. આ પ્રમાણે જ્ઞાત મુનિ ભગવંત મહાવીરે પ્રજ્ઞાપિત અને પ્રરૂપિત કરેલ છે. તે પ્રસિદ્ધ છે, સિદ્ધ છે, લોકમાં આ શાસન શ્રેષ્ઠ છે. આઘવિત-સુદેશિત-પ્રશસ્ત છે. તેમ હું કહું છું. સંવરદ્વાર અધ્યયન-૪ નો મુનિ દીપરત્નસાગરે કરેલ ગુજરાતી અનુવાદ પૂર્ણ મુનિ દીપરત્નસાગર કૃત્ “(પ્રશ્નવ્યાકરણ)” આગમસૂત્ર ભાવાનુવાદ Page 44
