Book Title: Agam 10 Prashna Vyakraan Gujarati Translation
Author(s): Dipratnasagar, Deepratnasagar
Publisher: Dipratnasagar, Deepratnasagar
View full book text
________________ આગમસૂત્ર 10, અંગસૂત્ર 10, પ્રશ્નવ્યાકરણ તેમાં અલ્પસુખ, બહુદુઃખ, મહાભય, પ્રગાઢ કર્મરજબંધનું કારણ છે. તે દારુણ, કર્કશ, અશાતારૂપ છે. હજારો વર્ષે તેમાંથી છૂટાય છે. તેને ભોગવ્યા વિના મુક્તિ મળતી નથી. આ પ્રમાણે જ્ઞાનકુલનંદન, મહાત્મા, જિન વીરવર નામધેય અસત્ય વચનનો ફળવિપાક કહે છે. આ બીજું મૃષાવાદ નામે અધર્મદ્વાર છે. હલકા અને ચંચળ લોકો તેનો પ્રયોગ કરે છે. તે ભયંકર, દુઃખકર, અયશકર, વૈરકર, અરતિ-રીતિ-રાગ-દ્વેષ-મનસંક્લેશ ઉત્પન્ન કરનાર છે. જૂઠ-માયા-સાતિયોગની બહુલતાયુક્ત, નીચજન સેવિત, નૃશંસ, અવિશ્વાસકારક, પરમ સાધુજનથી ગહણીય, પર પીડાકારક, પરમકૃષ્ણશ્યા સહિત, દુર્ગતિવિનિપાત વર્તન, પુનર્ભવકારક, ચિરપરિચિત, ચિરાનુગ, દુઃખમય હોય છે. બીજું અધર્મદ્વાર સમાપ્ત આશ્રયદ્વાર અધ્યયન-૨ નો મુનિ દીપરત્નસાગરે કરેલ ગુજરાતી અનુવાદ પૂર્ણ મુનિ દીપરત્નસાગર કૃત્ “(પ્રશ્નવ્યાકરણ)” આગમસૂત્ર ભાવાનુવાદ Page 16
