Acharang Sutram Part 02

Author(s): Sudharmaswami, Jinhansasuri
Publisher: Jinshasan Aradhana Trust

Page 271

ततो णं समणे भगवं महावीरे विण्णायपरिणय (ए?) विणियत्तबालभावे अप्पत्ताई उरालाई माणुस्सगाई पंचलक्खणाई ।। श्रीआचाराग१8 कामभागाइ सह-फ
ह कामभोगाइं सद्द-फरिस-रस रूव-गंधाइं परियारेमाणे एवं चाए विहरति । (सू.१७६) प्रदीपिका ॥
समणे भगवं महावीरे कासवगोत्तेणं, तस्स णं इमे तिन्नि नामधेज्जा एवमाहिज्जंति, तंजहा-अम्मपिउसंतिए वद्धमाणे, सहसम्मुइए समणे, भीमं भयभेरवं उरालं अचेलयं परीसहे सहति त्ति कट्ट देवेहिं से णामं कयं समणे भगवं महावीरे।
समणस्स णं भगवतो महावीरस्स पित्ता कासवगोत्तेणं । तस्स णं तिण्णि णामधेज्जा एवमाहिज्जंति, तंजहा-सिद्धत्थे ति वा सेज्जंसे ति वा जसंसे ति वा।
समणस्स णं भगवतो महावीरस्स अम्मा वासिट्ठसगोत्ता । तीसे णं तिण्णि णामधेज्जा एवमाहिजंति, तंजहा-तिसिलाइ 88 वा विदेहदिण्णा इ वा पियकारिणी ति वा ।
समणस्स णं भगवओ महावीरस्स पित्तिज्जए सुपासे कासवगोत्तेणं । समणस्स णं भगवतो महावीरस्स जेट्टे भाया णंदिवद्धणे कासवगोत्तेणं । समणस्स णं भगवतो महावीरस्स जेट्ठा भइणी सुदंसणा कासवगोत्तेणं । समणस्स णं भगवतो महावीरस्स भज्जा जसोया गोत्तेणं कोडिण्णा।
॥ २३१॥