Acharang Sutram Dwitiya Shrutskandh

Author(s): Punyakiritivijay
Publisher: Shripalnagar Jain Shwetambar Murtipujak Derasar Trust

Page 221

श्रीआचाराङ्गं नियुक्तिश्रीशीला० वृत्तियुतम् श्रुतस्कन्धः२ // 744 // श्रुतस्कन्ध:२ चूलिका-३ भावना, सूत्रम् (अनुष्टुप्) 112-130 सूत्रम् 402 श्रीवीरवर्णनम् ॥२॥तओणं समणस्स भ० म० अभिनिक्खमणाभिप्यायं जाणित्ता भवणवइवा० जो० विमाणवासिणो देवा य देवीओय सएहिं 2 रूवेहिं सएहिं 2 नेवत्थेहिं सए०२ चिंधेहिं सव्विड्डीए सव्वजुईए सव्वबलसमुदएणं सयाई 2 जाणविमाणाई दुरूहंति सया० दुरूहित्ता अहाबायराइंपुग्गलाई परिसाडंति 2 अहासुहमाई पुग्गलाई परियाईति 2 उडे उप्पयंति उड्डे उप्पइत्ता ताए उक्किट्ठाए सिग्याए चवलाए तुरियाए दिव्वाए देवगईए अहेणं ओवयमाणा र तिरिएणं असंखिज्जाइंदीवसमुद्दाईवीइक्कममाणा 2 जेणेव जंबुद्दीवे दीवे तेणेव उवागच्छंति 2 जेणेव उत्तरखत्तियकुंडपुरसंनिवेसे तेणेव उवागच्छंति, जेणेव उत्तरखत्तियकुंडपुरसंनिवेसस्स उत्तरपुरच्छिमे दिसीभाए तेणेव झत्ति वेगेण ओवइया॥३॥ तओणं सक्के देविंदे देवराया सणियं 2 जाणविमाणं पट्ठवेति सणियं 2 जाणविमाणं पट्ठवेत्ता सणियं 2 जाणविमाणाओ पच्चोरुहइ सणियं 2 एगंतमवक्कमइ एगंतमवक्कमित्ता महया वेउविएणं समुग्घाएणं समोहणइ 2 एगं महं नाणामणिकणगरयणभत्तिचित्तं सुभं चारु कंतरूवं देवच्छंदयं विउव्वइ, // 4 // तस्स णं देवच्छंदयस्स बहुमज्झदेसभाए एगं महं सपायपीढं नाणामणिकणयरयणभत्तिचित्तं सुभं चारुकंतरुवं सीहासणं विउव्वइ, 2 जेणेव समणे भगवं महावीरे तेणेव उवागच्छइ 2 समणं भगवं महावीरं तिक्खुत्तो आयाहिणं पायाहिणं करेइ 2 समणं भगवं महावीरं वंदइ नमसइ 2 समणं भगवं महावीर गहाय जेणेव देवच्छंदए तेणेव उवागच्छइसणियं 2 पुरत्थाभिमुहंसीहासणे निसीयावेइसणियं निसीयावित्ता सयपागसहस्सपागेहिं तिल्लेहिं अब्भंगेइगंधकासाईएहिं उल्लोलेइ 2 सुद्धोदएण मज्जावेइ 2 जस्स णं मुल्लं सयसहस्सेणं तिपडोलतित्तिएणं साहिएणं सीतेण गोसीसरत्तचंदणेणं अणुलिंपड़२ ईसिं निस्सासवायवोझं वरनयरपट्टणुग्गयं कुसलनरपसंसियं अस्सलालापेलवं छेयारियकणगखइयंतकम्मं हंसलक्खणं पट्टजुयलं नियंसावेइ 2 हारं अद्धहारं उरत्थं नेवत्थं एगावलिंपालंबसुत्तं पट्टमउडरयणमालाउ आविंधावेइ आविंधावित्ता गंथिमवेढिमपूरिमसंघाइमेणं मल्लेणं कप्परुक्खमिव समलंकरेइ 2 त्ता दुचंपि महया वेउब्वियसमुग्घाएणं समोहणइ 2 // 744 //