Aagam Manjusha 15 Uvangsuttam Mool 04 Pannavanaa

Author(s): Anandsagarsuri, Sagaranandsuri
Publisher: Deepratnasagar

Page 21

आयरक्खदेवसाहस्तीर्ण जाव विहरइ, कहिं णं भंते! सहस्सारदेवाणं पजत्तापजत्ताणं ठाणा पं० कहिं णं भंते! सहस्सारदेवा परिवर्तति १, गो० ! महासुकस्स कप्पस्स उप्पि सपक्खि सपडिदिसिं जाव उप्पइत्ता एत्य णं सहस्सारे नामं कप्पे पं० पाईणपडीणायए जहा बंभलोए नवरं छविमाणावाससहस्सा भवन्तीतिमक्खायं देवा तहेव जाव वडिंसगा जहा ईसाणस्स सिगा नवरं मज्झे इत्य सहस्सारवर्डिसए जाव विहरंति, सहस्सारे इत्य देविंदे देवराया परिवसइ जहा सणकुमारे नवरं छष्टं विमाणावाससहस्ताणं तीसाए सामाणियसाहस्सीणं चउष्ड् य तीसाए आयरक्खदेवसाहस्सीणं जाव आहेवचं० कारेमाणे० विहरइ, कहिं णं भंते! आणयपाणयाणं देवाणं पजत्तापजत्ताणं ठाणा पं० कहिं णं भंते! आणयपाणया देवा परिवर्तति १, गो० ! सहस्सारस्स कप्पस्स उप्पिं सपक्खि सपडिदिसिं जाव उप्पइत्ता एत्य णं आणयपाणयनामा दुवे कप्पा पं० पाईणपडीणायया उदीणदाहिणविच्छिण्णा अद्धचंदसंठाणसंठिया अचिमालीभासरासिप्पभा सेसं जहा सणकुमारे जाव पडिरूवा, तत्थ णं आणयपाणयदेवाणं चत्तारि विमाणावाससया भवन्तीतिमत्खायं जाव पडिरूवा, वडिंसगा जहा सोहम्मे कप्पे, नवरं मज्झे इत्य पाणयवडिंसए, ते णं वडिंसगा सतरयणामया अच्छा जाव पडिरूवा, एत्थ णं आणयपाणयदेवाणं पज्जत्तापञ्जत्ताणं ठाणा पं०, तिमुवि लोगस्स असंखेजइभागे, तत्थ णं बहवे आणयपाणयदेवा परिवर्तति महिड्डिया जाव पभासेमाणा, ते णं तत्थ साणं २ विमाणावाससयाणं जाव विहति, पाणए इत्थ देविंदे देवराया परिवसइ जहा सर्णकुमारे, नवरं चउन्हं विमाणावाससयाणं वीसाए सामाणियसाहस्सीणं असीईए आयरक्खदेवसाहस्सीणं अन्नेसिं बहूणं जाव विहरद्द, कहिं णं भंते! आरणचयाणं देवानं पजत्तापजत्ताणं ठाणा पं० कहिं णं भंते! आरणचुया देवा परिवर्तति ?, गो० ! आणयपाणयाणं कप्पाणं उप्पिं सपक्खि सपडिदिसिं एत्थ णं आरणच्या नामं दुवे कप्पा पं० पाईपीणायया उदीर्णदाहिणविच्छिण्णा अद्धचंदसंठाणसंठिया अचिमालीभासरासिवण्णाभा असंखिजाओ जोयणकोडाकोडीओ आयामविक्संभेणं असंखिजाओ जोयणकोडाको डीओ परिक्खेवेणं सवरयणामया अच्छा सण्हा पढिरूवा, एत्थ णं आरणचुयाणं देवाणं तिन्नि विमाणावाससया भवन्तीतिमक्खायं, ते णं सवरयणामया अच्छा सण्हा पडिरूषा, तेसिं णं विमाणाणं कप्पाणं बहुमज्झदेसभाए पंच वर्डिसया पं० तं० अंकवर्डिसए फलिहवडिं० रयणवडिं० जायरूत्रव० मज्झे एत्य अब्यवडिंसए, ते णं वर्डिसया सहरयणाम्या जाव पडिरुवा, एत्य णं आरणचुयाणं देवानं पजत्तापजत्ताणं ठाणा पं०, तिमुवि लोयस्स असंखेजइभागे, तत्थ णं बहवे आरणच्या देवा परिवसंति, अच्चुए इत्थ देविंदे देवराया परिवसइ जहा पाणए विहरह, नवरं तिन्हं विमाणावाससयाणं दसहं सामाणियसाहस्सीणं चत्तालीसाए आयरक्खदेवसाहस्सीणं आहेबचं कुश्माणे जाव विहरइ, 'बत्तीस अडवीसा वारस अट्ठ चउ मेरो (य) सयसहस्सा। पन्ना चत्तालीसा छच्च सहस्सा सहस्सारे ॥ १५५ ॥ आणयपाणयकप्पे चत्तारि सयाऽऽरणचुए तिन्नि। सत्त विमाणसयाई चउसुवि एएस कप्पे ॥ ६ ॥ सामाणियसंगह
गाहा - 'चउरासीई असीई बाबत्तरी सत्तरी य सट्टी य। पन्ना चत्तालीसा तीसा बीसा दस सहस्सा ॥ १५७ ॥ एए चेव आयरक्खा चउम्गुणा, कहिं णं भंते! हिद्विमगेविनगाणं देवाणं पत्ता पत्ताणं ठाणा पं० कहिं णं भंते! हिट्ठिमगेविज्जगा देवा परिवसंति ?, गो०! आरणचुयाणं कप्पाणं उप्पिं जाव उड्ढ दूरं उप्पइत्ता एत्थ णं हिडिमगेविजगाणं देवाणं तओ गे विजविमाणपत्थडा पं० पाईणपडीणायया उदीणदाहिणविच्छिन्ना पडिपुन्नचंदसंठाणसंठिया अचिमालीभासरासिवण्णाभा सेसं जहा बंभलोगे जाव पडिरूवा, तत्थ णं हेट्टिमगेविज्ञगाणं देवा एकारसुत्तरे विमाणावाससए भवन्तीतिमक्खायं, ते णं विमाणा सवरयणामया जाव पडिरूवा, एत्थ णं हेट्ठिमगेविज्जगाणं देवाणं पज्जत्तापजत्ताणं ठाणा पं०, तिभुवि लोगस्स असंखेज्जइभागे, तत्य णं बहवे हेडिमगेविजगा देवा परिवसंति सत्रे समिढिया सवे समज्जुइया सवे समजता सबै समचला सधे समाणुभावा महामुक्खा अनिंदा अपेस्सा अपुरोहिया अहमिंदा नामं ते देवगणा पं० समणाउसो, कहिं णं भंते! मज्झिमगाणं गेविनगाणं देवाणं पज्जत्तापजत्ताणं ठाणा पं० कहिं णं भंते! मज्झिमगेविज्जगा देवा परिवसंति ?, गो०! हे मिगेविनगाणं उप्पिसपक्खि सपडिदिसि जाव उप्पइत्ता एत्थ णं मज्झिमगेविजगदेवाणं तओ गेविजगविमाणपत्थडा पं० पाईणपडीणायया जहा हेट्टिमगेविजगाणं, नवरं सत्तुत्तरे विमाणावाससए हवन्तीतिमक्खायं, ते णं विमाणा जाव पडिरूवा, एत्थ णं मज्झिमगेविजगाणं जाब तिमुबि लोगस्स असंखिजइभागे, तत्थ णं बहवे मज्झिमगेविज्जगा देवा परिवर्तति जाब अहमिंदा नाम ते देवगणा पं० समणाउसो, कहिं णं भंते! उवरिमगेविज्जगाणं देवाणं पज्जत्तापजत्ताणं ठाणा पं० कहिं णं भंते! उबरिमगेविलगा देवा परिवर्तति ?, गो० ! मज्झिमविज्जगाणं उपिं जाब उप्पइत्ता एत्थ णं उवरिमगेविनगाणं तओ गेविजगविमाणपत्थडा पं० पाईणपडीणायया सेसं जहा हेहिमगेविजगाणं नवरं एगे विमाणावाससए भवन्तीतिक्वायं से तहेव भाणियां जाव अहमिंदा नामं ते देवगणा पं० समणाउसो, 'एकारसुत्तरं हेडिमेसु सत्तुत्तरं च मज्झिमए। सयमेगं उबरिमए पंचेव अणुत्तरविमाणा ॥ १५८ ॥ कहिं णं भंते! अणुत्तरोववाइयाणं देवाणं पजत्तापजत्ताणं ठाणा पं० कहिं णं भंते! अणुत्तरोववाइया देवा परिवसंति १, गो० ! इमीसे रयणप्पभाए पुढवीए बहुसमरमणिजाओ भूमिभागाओ जोयणकोडाकोडीओ उड्ढ दूरं उप्पइत्ता सोहम्मीसाणसणकुमारजावआरणअनुयकप्पा तिनि अट्ठारसुत्तरे गेविजगविमाणावाससए बीइवइत्ता तेण परं दूरं गया (१७३) ६९२ प्रज्ञापना, यद-२
मुनि दीपरत्नसागर
क